ചെ​ന്നൈ – കോ​യ​മ്പ​ത്തൂ​ർ വ​ന്ദേ ഭാ​ര​ത് എ​ക്സ്പ്ര​സ് ഓ​ടി​ത്തു​ട​ങ്ങി

ചെ​ന്നൈ: ത​ദ്ദേ​ശ നി​ർ​മി​ത അ​തി​വേ​ഗ തീ​വ​ണ്ടി​യാ​യ വ​ന്ദേ ഭാ​ര​ത് എ​ക്സ്പ്ര​സി​ന്‍റെ ചെ​ന്നൈ – കോ​യ​മ്പ​ത്തൂ​ർ റൂ​ട്ടി​ലെ സ​ർ​വീ​സ് പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഫ്ലാ​ഗ് ഓ​ഫ് ചെ​യ്തു. പിന്നാലെ ടിക്കറ്റ് ബുക്കിങ്ങും ആരംഭിച്ചു. 1057 രൂപ മുതല്‍ 2310 രൂപ വരെയാണ് ടിക്കറ്റ് നിരക്ക്.

ചെ​ന്നൈ സെ​ൻ​ട്ര​ൽ റെ​യി​ൽ​വേ സ്റ്റേ​ഷ​നി​ൽ വ​ച്ച് ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ന്‍റെ സാ​ന്നി​ധ്യ​ത്തി​ലാ​ണ് സം​സ്ഥാ​ന​ത്ത് കൂ​ടി സ​ർ​വീ​സ് ന​ട​ത്തു​ന്ന ര​ണ്ടാ​മ​ത്തെ വ​ന്ദേ ഭാ​ര​ത് തീ​വ​ണ്ടി​ക്ക് മോ​ദി പ​ച്ച​ക്കൊ​ടി വീ​ശി​യ​ത്. ബം​ഗ​ളൂ​രു – മൈ​സൂ​രു വ​ന്ദേ ഭാ​ര​ത് എ​ക്സ്പ്ര​സ് മാ​സ​ങ്ങ​ൾ​ക്ക് മു​മ്പ് സ​ർ​വീ​സ് ആ​രം​ഭി​ച്ചി​രു​ന്നു.

പൂ​ർ​ണ​മാ​യും ത​മി​ഴ്നാ​ട്ടി​ൽ കൂ​ടി സ​ഞ്ച​രി​ക്കു​ന്ന ആ​ദ്യ വ​ന്ദേ ഭാ​ര​ത് തീ​വ​ണ്ടി​ക്ക് ചെ​ന്നൈ – കോ​യ​മ്പ​ത്തൂ​ർ റൂ​ട്ടി​ൽ മൂ​ന്ന് സ്റ്റോ​പ്പു​ക​ൾ മാ​ത്ര​മാ​കും ഉ​ണ്ടാ​വു​ക. സേ​ലം, ഈ​റോ​ഡ്, തി​രൂ​പ്പൂ​ർ എ​ന്നി​വി​ട​ങ്ങ​ളി​ൽ മാ​ത്രം നി​ർ​ത്തു​ന്ന ട്രെ​യി​ൻ ബു​ധ​നാ​ഴ്ച ഒ​ഴി​ച്ച് ആ​ഴ്ച​യി​ലെ എ​ല്ലാ ദി​വ​സ​ങ്ങ​ളി​ലും സ​ർ​വീ​സ് ന​ട​ത്തും.

ബുധനാഴ്ച ഒഴികെ ആഴ്ചയില്‍ ആറ് ദിവസവും രാവിലെ ആറിന് കോയമ്പത്തൂരില്‍നിന്ന് പുറപ്പെട്ട് 11.50-ന് ചെന്നൈയിലെത്തും. ചെന്നൈയില്‍നിന്ന് ദിവസവും ഉച്ചയ്ക്ക് 2.25-ന് പുറപ്പെട്ട് രാത്രി 8.15-ന് കോയമ്പത്തൂരിലെത്തും. തീവണ്ടിയില്‍ ഭക്ഷണംനല്‍കും. ഭക്ഷണം അടക്കം ചെയര്‍ കാറിന് 1215 രൂപയും എക്‌സിക്യുട്ടീവ് കോച്ചില്‍ 2310 രൂപയുമാണ് നിരക്ക്.

  
ഭക്ഷണം ആവശ്യമില്ലാത്തവര്‍ക്ക് നിരക്ക് യഥാക്രമം 1057 രൂപയും 2116 രൂപയുമാണ്. വന്ദേഭാരതിന്റെ യാത്രാസമയം അഞ്ച് മണിക്കൂര്‍ 50 മിനിറ്റാണ്. മണിക്കൂറില്‍ ശരാശരി 110 കിലോമീറ്റര്‍ വേഗതയുണ്ടാവും. എട്ട് എ.സി. കോച്ചുകളുമായാണ് തുടക്കത്തില്‍ വണ്ടി ഓടുക. 536 സീറ്റുകളുണ്ടാകും. കോച്ചുകളുടെ എണ്ണം പീന്നീട് 16 ആയി ഉയര്‍ത്തും. സേലം, ഈറോഡ്, തിരുപ്പൂര്‍ എന്നിവടങ്ങളില്‍ സ്റ്റോപ്പുണ്ട്.

തമിഴ്നാട്ടില്‍നിന്ന് സര്‍വീസ് നടത്തുന്ന രണ്ടാമത്തെ വന്ദേഭാരത് തീവണ്ടിയാണിത്. ചെന്നൈ-മൈസൂരു-ചെന്നൈ വന്ദേഭാരത് സര്‍വീസ് തുടങ്ങിയെങ്കിലും പുതിയ വണ്ടി തമിഴ്നാട്ടില്‍മാത്രമാണ് യാത്ര നടത്തുക.