അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ബംഗ്ലാദേശ് ഓൾറൗണ്ടർ ഷാക്കിബ് അൽ ഹസൻ ഐപിഎലിൽ നിന്ന് പിന്മാറി. വ്യക്തിപരമായ കാരണങ്ങൾ ചൂണ്ടിക്കാട്ടിയാണ് തീരുമാനം. നിലവിൽ അയർലൻഡ് പര്യടനത്തിലുള്ള ഷാക്കിബ് അടുത്ത ആഴ്ചയോടെ ഐപിഎലിനെത്തുമെന്നാണ് നേരത്തെ അറിയിച്ചിരുന്നത്. എന്നാൽ, ഷാക്കിബ് ഇനി ഈ സീസണിൽ ഐപിഎൽ കളിക്കില്ല.
നേരത്തെ ചെന്നൈ സൂപ്പർ കിംഗ്സിനെതിരായ ഉദ്ഘാടന മത്സരത്തിൽ പരുക്കേറ്റ ഗുജറാത്ത് ടൈറ്റൻസ് താരം കെയിൻ വില്ല്യംസൺ ഐപിഎലിൽ നിന്ന് പുറത്തായിരുന്നു. ഇക്കാര്യം ഗുജറാത്ത് ടൈറ്റൻസ് ഔദ്യോഗികമായി അറിയിച്ചു.
മുംബൈ ഇന്ത്യൻസിനെതിരായ മത്സരത്തിനിടെ പരുക്കേറ്റ ആർസിബി പേസർ റീസ് ടോപ്ലെയ്ക്ക് സീസണിലെ ബാക്കിയുള്ള മത്സരങ്ങൾ നഷ്ടമായേക്കുമെന്നാണ് റിപ്പോർട്ട്. താരത്തിൻ്റെ പരുക്ക് എത്രത്തോളം ഗുരുതരമാണെന്ന് വ്യക്തമല്ലെങ്കിലും ടോപ്ലെ നാട്ടിലേക്ക് മടങ്ങുമെന്നാണ് സൂചന. മുംബൈ ഇന്ത്യൻസ് ഇന്നിംഗ്സിനിടെ ഫീൽഡ് ചെയ്യുമ്പോഴാണ് ടോപ്ലെയ്ക്ക് പരുക്കേറ്റത്.
