അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കോഴിക്കോട്: വടകരയില്‍ അതിഥിതൊഴിലാളികള്‍ തമ്മിലുണ്ടായ സംഘര്‍ഷത്തില്‍ ഒരാള്‍ കെട്ടിടത്തില്‍നിന്ന് വീണ് മരിച്ചു. ബിഹാര്‍ സ്വദേശി സിക്കന്തര്‍ കുമാര്‍(20)ആണ് മരിച്ചത്. ഒപ്പമുണ്ടായിരുന്ന ആള്‍ക്ക് ഗുരുതരമായി പരുക്കേറ്റു. ഇയാളെ ആശുപത്രിയിലേക്കു മാറ്റി.
വടകര ജെടി റോഡിലെ താമസസ്ഥലത്തെ ഇരുനില കെട്ടിടത്തില്‍നിന്നാണ് ഇരുവരും വീണത്. അഞ്ചു പേരടങ്ങുന്ന സംഘമായിരുന്നു ഇവരെന്നും ഇവര്‍ തമ്മിലുണ്ടായ വാക്കുതര്‍ക്കങ്ങളാണു സംഘര്‍ഷത്തിലേക്കു നയിച്ചതെന്നുമാണു പൊലീസിന്റെ പ്രാഥമിക നിഗമനം. ഒപ്പമുണ്ടായിരുന്ന രണ്ടുപേര്‍ ഓടി രക്ഷപ്പെട്ടു.
