അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
എറണാകുളം: കൊച്ചിയിൽ വൻ ലഹരി മരുന്ന് വേട്ട. എസ്. ആർ. എം റോഡിലെ ഹോട്ടലിൽ നിന്ന് 300 ഗ്രാം എം.ഡി.എം.എ പിടികൂടി. വിൽപന നടത്താനായി കൊണ്ടുവന്ന എം.ഡി.എം.എ ആണ് പിടികൂടിയത്.
സംഭവത്തിൽ നാലുപേർ പിടിയിലായി. വൈപ്പിൻ സ്വദേശികളായ വിനീഷ്, നവീൻ, ആദിത്യ, വിഷ്ണു എന്നിവരാണ് പിടിയിലായത്. 300 ഗ്രാം തൂക്കം വരുന്ന ലഹരി മരുന്നിന് വിപണിയിൽ ഒരു കോടി രൂപ വില വരും.
രഹസ്യ വിവരത്തിന്‍റെ അടിസ്ഥാനത്തിൽ കൊച്ചി നോർത്ത് റെയിൽവെ സ്റ്റേഷന് സമീപത്തെ ഹോട്ടൽ റെയ്ഡ് ചെയ്ത് നാല് പേരെ പൊലീസ് പിടികൂടിയത്.
സംഘത്തിലെ മറ്റുള്ളവർക്കായി പൊലീസ് അന്വേഷണം തുടങ്ങി. ഒപ്പം ലഹരിമരുന്ന് വാങ്ങാൻ ഇത്രയേറെ പണം ആരാണ് ഇവർക്കായി മുടക്കിയിരുന്നതെന്നും പൊലീസ് അന്വേഷിക്കുന്നുണ്ട്.
