കഴുത്തിൽ കുരുക്കിട്ടു ശ്വാസംമുട്ടിച്ചപ്പോൾ മരണവെപ്രാളത്തിൽ മലമൂത്ര വിസർജനം നടത്തി; കൈത്തണ്ട മുറിച്ചു, അനുമോൾ നേരിട്ടത് ക്രൂര പീഡനം

ഇടുക്കി: കാഞ്ചിയാറിൽ അദ്ധ്യാപികയായിരുന്ന അനുമോളെ ഭർത്താവ് ബിജേഷ് കൊലപ്പെടുത്തി കട്ടിലിനടിയിൽ ഉപേക്ഷിച്ച സംഭവത്തിൽ കൂടുതൽ വിശദാംശങ്ങൾ പുറത്ത്.

 അതിക്രൂരമായ പീഡനങ്ങൾക്ക് ഇരയാകേണ്ടി വന്നാണ് അനുമോൾ മരിച്ചതെന്ന് പോലീസ് വ്യക്തമാക്കി. സ്ഥിരം മദ്യപിച്ചിട്ട് വീട്ടിൽ കലഹം പതിവാക്കിയിരുന്ന ബിജേഷ് ഭാര്യയായ അനുമോളെ മർദ്ദിക്കാർ ഉണ്ടായിരുന്നെന്നും വീട്ടിൽ കലഹങ്ങൾ പതിവായിരുന്നെന്നും പോലീസ് പറഞ്ഞു.

 അധ്യാപികയായ അനുമോൾ സ്കൂൾ കുട്ടികളിൽ നിന്നും പിരിച്ചെടുത്ത കാശു കൊണ്ടുപോയി വെച്ചിരുന്ന  10000 രൂപ കൂടി ബിജേഷ് എടുത്തുകൊണ്ടു പോയതും തിരികെ നൽകാത്തതും ചോദ്യം ചെയ്തതിനെ തുടർന്ന് ബിജേഷ് ഭാര്യയായ അനുമോളോട് വൈരാഗ്യം മനസ്സിൽ സൂക്ഷിക്കുകയായിരുന്നു.

 നിരന്തരമുള്ള ഉപദ്രവം സഹിക്ക വയ്യാതെ  അനുമോൾ വനിതാ സെല്ലിൽ പരാതി നൽകിയിരുന്നു, ഇതും വൈരാഗ്യം കൂട്ടുവാൻ കാരണമായി. ഭർത്താവായ ബിജേഷ് കഴുത്തിൽ ഷാൾ മുറുക്കി ശ്വാസംമുട്ടിച്ചാണ് അനുമോളെ കൊലപ്പെടുത്തിയത്. കസേരയിലിരുന്ന അനുമോളെ പിന്നിലൂടെ എത്തിയ പ്രതി ഷാള് കഴുത്തിൽ കുരുക്കി കൊലപ്പെടുത്താൻ ശ്രമിക്കുകയായിരുന്നു.

കൂടാതെ  ബിജേഷ് ഭാര്യയുടെ കൈ ഞരമ്പുകൾ മുറിക്കുകയും ചെയ്തു ,അപ്രതീക്ഷിതം നീക്കത്തിൽ മരണവെപ്രാളത്തിൽ അനുമോൾ മലമൂത്ര വിസർജനം നടത്തുകയും ചെയ്തുവെന്നും പ്രതി കൂസലില്ലാതെ പോലീസിനോട് വെളിപ്പെടുത്തി. സാമ്പത്തികമായ പ്രശ്നങ്ങളും ഭാര്യയോട് തോന്നിയ വൈരാഗ്യവും ആണ് കൊലപാതകത്തിലേക്ക് നയിച്ചതെന്ന് പോലീസ് പറഞ്ഞു.