അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കേരളത്തെ ഒരു വിജ്ഞാന സമ്പദ്‌വ്യവസ്ഥയാക്കി മാറ്റിത്തീർക്കുന്നതിന്റെ മുന്നോടിയായി സംസ്ഥാനത്ത് 600 കോടി രൂപ നിക്ഷേപത്തിൽ മൂന്ന് സയന്‍സ് പാര്‍ക്കുകള്‍ ആരംഭിക്കുമെന്ന് മുഖ്യമന്ത്രി. തിരുവനന്തപുരം, കൊച്ചി, കണ്ണൂര്‍ അന്താരാഷ്ട്ര വിമാനത്താവളങ്ങള്‍ക്ക് സമീപം സ്ഥാപിക്കാനുദ്ദേശിക്കുന്ന ഓരോ സയന്‍സ് പാര്‍ക്കിനും 200 കോടി രൂപ വീതം നിക്ഷേപവും, 10 ലക്ഷം ചതുരശ്ര അടി വിസ്തീര്‍ണവും ഉണ്ടായിരിക്കുമെന്നും അദ്ദേഹം വ്യക്തമാക്കി.
കേരള, കുസാറ്റ്, കണ്ണൂർ സർവകലാശാലകൾക്ക് കീഴിലായിരിക്കും സയൻസ് പാർക്കുകൾ സ്ഥാപിക്കുക. കിഫ്ബി ഫണ്ട് വകയിരുത്തി സ്ഥാപിക്കുന്ന പാർക്കുകൾക്കായി കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗണ്‍സിലിനെ പദ്ധതി നടപ്പാക്കുന്നതിനുള്ള സ്‌പെഷ്യല്‍ പര്‍പ്പസ് വെഹിക്കിളാക്കും.
കൂടാതെ കേരളത്തെ ഒരു വിജ്ഞാന സമ്പദ്‌വ്യവസ്ഥയാക്കി മാറ്റിത്തീർക്കാൻ വിവിധ വികസന പദ്ധതികളുമായി മുന്നോട്ടുപോവുകയാണ് എൽഡിഎഫ് സർക്കാർ. ശാസ്ത്ര, സാങ്കേതിക രംഗത്തെ സർവ്വതോന്മുഖമായ വികാസം ഇതിനാവശ്യമാണ്. സംസ്ഥാനമാകെ 4 സയന്‍സ് പാര്‍ക്കുകൾ സ്ഥാപിക്കാൻ കഴിഞ്ഞ സാമ്പത്തിക വര്‍ഷത്തെ ബജറ്റിൽ സർക്കാർ തീരുമാനിച്ചതും ഈയടിസ്ഥാനത്തിലാണ്. ഒരു വിജ്ഞാന സമൂഹമായി കേരളത്തെ വളർത്താൻ ഈ പാർക്കുകൾക്ക് വലിയ പങ്കുവഹിക്കാൻ സാധിക്കുമെന്നും മുഖ്യമന്ത്രിയുടെ ഓഫീസ് വ്യക്തമാക്കി.
