അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സംഘപരിവാറിനും നരേന്ദ്ര മോദിക്കുമെതിരെ സമരം ചെയ്തവരുടെ തല അടിച്ചു തകര്‍ക്കാന്‍ മുഖ്യമന്ത്രിക്ക് ആരാണ് അധികാരം നല്‍കിയത്? ഒരു വശത്ത് രാഹുല്‍ ഗാന്ധിക്ക് പിന്തുണ നല്‍കി പ്രസ്താവന നടത്തിയ കേരളത്തിലെ മുഖ്യമന്ത്രിയും സി.പി.എമ്മും മറുവശത്ത് സമര രംഗത്തുള്ള കെ.എസ്.യു , യൂത്ത് കോണ്‍ഗ്രസ് പ്രവര്‍ത്തകരുടെ തല തല്ലിപ്പൊളിക്കുകയാണ്.
രാജ്ഭവന് മുന്നില്‍ ഇന്നലെ പോലീസ് നരനായാട്ടാണ് നടന്നത്. മുഖ്യമന്ത്രിയുടെ ഓഫീസിന്റെ നിര്‍ദേശ പ്രകാരമാണ് ഈ വേട്ടയാടല്‍. ബി.ജെ.പിയെ സന്തോഷിപ്പിക്കാനും സുഖിപ്പിക്കാനുമാണ് മുഖ്യമന്ത്രി ശ്രമിക്കുന്നത്.
കോണ്‍ഗ്രസും രാഹുല്‍ ഗാന്ധിയും സംഘപരിവാറിന് മുന്നില്‍ മുട്ടുമടക്കില്ല അടിച്ചമര്‍ത്താനോ നിശബ്ദരാക്കാനോ കഴിയില്ല. മോദിക്കും ബി.ജെ.പിക്കുമെതിരെ നിരന്തരം ചോദ്യങ്ങള്‍ ഉയര്‍ത്തുക തന്നെ ചെയ്യും. ജനാധിപത്യ വിശ്വാസികളെ ചേര്‍ത്ത് പിടിച്ച് പോരാട്ടം തുടരും.
