അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി : രാഷ്ട്രപതി ദ്രൗപതി മുര്‍മു കൊച്ചിയിലെത്തി. ആദ്യമായാണ് രാഷ്ട്രപതി കേരളത്തിലെത്തുന്നത്. കൊച്ചി വിമാനത്താവളത്തിലെത്തിയ രാഷ്ട്രപതിയെ ഗവര്‍ണര്‍ ആരിഫ് മുഹമ്മദ് ഖാന്‍, മുഖ്യമന്ത്രി പിണറായി വിജയന്‍ എന്നിവര്‍ ചേര്‍ന്ന് സ്വീകരിച്ചു. ഐഎന്‍എസ് വിക്രന്ത് സന്ദര്‍ശനത്തിന് ശേഷം നാവിക സേനയുടെ ഐഎന്‍എസ് ദ്രോണാചാര്യയിലെ പരിപാടിയിലും രാഷ്ട്രപതി പങ്കെടുക്കും.
തുടര്‍ന്ന് രാത്രി 7.30നു തിരുവനന്തപുരം വിമാനത്താവളത്തില്‍ എത്തുന്ന രാഷ്ട്രപതി ഹോട്ടല്‍ ഹയാത്ത് റീജന്‍സിയില്‍ താമസിക്കും. നാളെ 9.30 മുതല്‍ 10 വരെ മാതാ അമൃതാനന്ദമയി മഠം സന്ദര്‍ശിക്കും. 11.10ന് തിരുവനന്തപുരത്ത് എത്തും. 11.35 ന് കവടിയാര്‍ ഉദയ് പാലസ് കണ്‍വന്‍ഷന്‍ സെന്ററില്‍ കുടുംബശ്രീ രജതജൂബിലി ആഘോഷം ഉദ്ഘാടനം ചെയ്യും. രാത്രി ഏഴരയ്ക്ക് ഗവര്‍ണര്‍ രാഷ്ട്രപതിക്ക് അത്താഴവിരുന്ന് നല്‍കും. മുഖ്യമന്ത്രി, പത്‌നി കമല, മന്ത്രിമാര്‍, ചീഫ്‌സെക്രട്ടറി, ഡി.ജി.പി, അഡി. ചീഫ്‌സെക്രട്ടറിമാര്‍ അടക്കം 40 പേര്‍ക്ക് ക്ഷണമുണ്ട്.
