അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: ബെംഗളൂരുവില്‍ നിന്ന് മലപ്പുറത്തേക്ക് വില്‍പ്പനയ്ക്ക് കൊണ്ടുവന്ന എംഡിഎംഎയും കഞ്ചാവും ചില്ലറ വില്‍പ്പന നടത്തുന്നതിനിടയില്‍ യുവാക്കള്‍ അറസ്റ്റില്‍. വേങ്ങര ചേറൂര്‍ സ്വദേശി അബ്ദുള്‍ റഊഫ് (26), വേങ്ങര കുറ്റാളൂര്‍ സ്വദേശി മുഹമ്മദ് മുഹ്സിന്‍ (23) എന്നിവരെയാണ് പൊലീസ് അറസ്റ്റ് ചെയ്തത്.
5.28 ഗ്രാം എംഡിഎംഎയും 186 ഗ്രാം കഞ്ചാവും ഇവരുടെ പക്കല്‍ നിന്നും പൊലീസ് കണ്ടെടുത്തു. മലപ്പുറം ജില്ലാ പൊലീസ് മേധാവി എസ് സുജിത്ത് ദാസിന് ലഭിച്ച വിവരത്തെത്തുടര്‍ന്ന് തിരൂരങ്ങാടി എസ്ഐ മുഹമ്മദ് റഫീഖിന്റെ നേതൃത്വത്തില്‍ നടത്തിയ പരിശോധനയിലാണ് കുളപ്പുറം റോഡില്‍ വെച്ച് പ്രതികളെ പിടികൂടിയത്.
