വര്‍ക്കല: ബസിനുള്ളില്‍ യാത്രക്കാരിയായ യുവതിയോട് ലൈംഗികാതിക്രമം കാണിച്ച കണ്ടക്ടര്‍ അറസ്റ്റില്‍. മേല്‍വെട്ടൂര്‍ ശ്രീചിത്തിര വീട്ടില്‍ ആദര്‍ശിനെ(24) ആണ് പൊലീസ് അറസ്റ്റ് ചെയ്തത്. വര്‍ക്കല റൂട്ടില്‍ സര്‍വീസ് നടത്തുന്ന ശ്രീനന്ദ എന്ന സ്വകാര്യ ബസിലെ കണ്ടക്ടറാണിയാള്‍.
ഇക്കഴിഞ്ഞ പതിനേഴിനായിരുന്നു കേസിനാസ്പദമായ സംഭവം. സ്ത്രീത്വത്തെ അപമാനിച്ചത് ഉള്‍പ്പെടെയുള്ള വകുപ്പുകള്‍ ചുമത്തിയാണ് പ്രതിയെ അറസ്റ്റ് ചെയ്തത്. ബസും പൊലീസ് കസ്റ്റഡിയിലെടുത്തു. വര്‍ക്കല സ്വദേശിനിയായ യുവതിയുടെ പരാതിയിന്‍ മേലാണ് പൊലീസ് നടപടി.