അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദുബായ്: കഴിഞ്ഞ ദിവസം ദുബായ് വാഫി സിറ്റിയിലെ റാഫില്‍സ് ഹോട്ടലില്‍ വെച്ച് നടന്ന ”Al Matiya Club” – ന്റെ ബിസിനസ് സംഗമത്തില്‍ യുഎഇയിലെ അറിയപ്പെടുന്ന നിയമപ്രതിനിധിയും സാമൂഹ്യ പ്രവര്‍ത്തകനുമായ സലാം പാപ്പിനിശ്ശേരിയെ ആദരിച്ചു.
പ്രൗഡ ഗംഭീരമായ ചടങ്ങില്‍ വിശിഷ്ടാതിഥികളായി എത്തിയ ഹിസ് ഹൈനസ് ശൈഖ് സഖര്‍ അല്‍ ഖാസിമി, ഹിസ് ഹൈനസ് ശൈഖ് ഖാലിദ് ബിന്‍ അബ്ദുല്ല അല്‍ മുഅല്ല, ഹിസ് ഹൈനസ് ശൈഖ് അബ്ദുല്ല അല്‍ ശര്‍ഖി എന്നിവര്‍ ചേര്‍ന്ന് അദ്ദേഹത്തിന് പുരസ്‌ക്കാരം നല്‍കി. നാളിതുവരെയായി യുഎഇയിലെ നിയമപരമായി ചെയ്തുവരുന്ന സേവനങ്ങളെ മുന്‍ നിര്‍ത്തിയാണ് അദ്ദേഹത്തെ പരിപാടിയില്‍ ആദരിച്ചത്. ജീവകാരുണ്യ പ്രവര്‍ത്തനമേഖലയില്‍ സജീവമായ ഇദ്ദേഹത്തിന്റെ പ്രവര്‍ത്തനങ്ങളെ കുറിച്ചും ആഘോഷവേളയില്‍ വിശദമാക്കി.
ചടങ്ങില്‍ എക്സലന്‍സി അവാദ് ബിന്‍ മെര്‍ജെന്‍, പ്രമുഖ ബിസിനസ് സംരംഭകനായ സജി ചെറിയാന്‍, ഡോ.താഹിര്‍ കല്ലാട്ട്, Al Matiya Club – ന്റെ ആദ്യ കോച്ചുകളായ അബ്ദുല്‍ റഹീം അല്‍ സാദിഖ് , സുലൈമാന്‍ അല്‍ ഖാഷിഫ് തുടങ്ങിയവര്‍ സന്നിഹിതരായിരുന്നു.
