അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഫത്തോഡ: ഐഎസ്എല്ലില്‍ കേരള ബ്ലാസ്റ്റേഴ്സ് പ്ലേ ഓഫില്‍. ചെന്നൈ-ഗോവ മത്സരത്തില്‍ ഗോവ പരാജയപ്പെട്ടതോടെയാണ് കേരള ബ്ലാസ്റ്റേഴ്സ് രണ്ട് മത്സരം ബാക്കി നില്‍ക്കേ പ്ലേ ഓഫ് ഉറപ്പിച്ചത്.
നിലവിൽ 31 പോയിൻ്റുള്ള ബ്ലാസ്റ്റേഴ്സ് പോയിൻ്റ് പട്ടികയിൽ മൂന്നാമതാണ്. എടികെ മോഹൻ ബഗാനും ഹൈദരാബാദ് എഫ്സിക്കുമെതിരെയാണ് ഇനി കേരളം കളിക്കേണ്ടത്. അഞ്ചാമതുള്ള എടികെയ്ക്ക് 28 പോയിൻ്റുണ്ട്. രണ്ടാം സ്ഥാനത്തുള്ള ഹൈദരാബാദിന് 39 പോയിൻ്റും.
ഗോവ പരാജയപ്പെട്ടതോടെ ബെംഗളൂരുവും പ്ലേ ഓഫിന് യോഗ്യത നേടിയിട്ടുണ്ട്. 19 മത്സരങ്ങളില്‍ നിന്നും 31 പോയന്റുമായി നാലാമതാണ് ബെംഗളൂരു. മുംബൈ, ചെന്നൈ ടീമുകള്‍ നേരത്തെ യോഗ്യത നേടിയിരുന്നു.
ഒന്നിനെതിരെ രണ്ടുഗോളുകള്‍ക്കാണ് ചെന്നൈ ഗോവയെ തകര്‍ത്തത്. ചെന്നൈയ്ക്കായി ക്വാമി കരിക്കാരി ഇരട്ടഗോള്‍ നേടി. നോവ സദോയിയാണ് ഗോവയ്ക്കായി ആശ്വാസഗോള്‍ നേടിയത്.
