കുടകിൽ ഒ​രു കു​ടും​ബ​ത്തി​ലെ ര​ണ്ടു​പേ​രെ കൊ​ന്ന ക​ടു​വ​യെ പി​ടി​കൂ​ടി

 
കുട്ട: കർണാടകയിലെ കുടക് ജില്ലയില്‍ 12 മണിക്കൂറിനിടെ രണ്ടുപേരെ ആക്രമിച്ചു കൊലപ്പെടുത്തിയ കടുവയെ പിടികൂടി. കര്‍ണാടക വനം വകുപ്പിന്റെ പ്രത്യേക ദൗത്യസംഘമാണു 10 വയസ്സ് പ്രായം തോന്നിക്കുന്ന കടുവയെ മയക്കുവെടിവച്ചു പിടിച്ചത്.

കു​ട്ട വി​ല്ലേ​ജി​ലെ നാ​നാ​ച്ചി​ക്ക് സ​മീ​പ​ത്തു​നി​ന്നും വൈ​കു​ന്നേ​രം നാ​ലോ​ടെ​യാ​ണ് 10 വ​യ​സ് പ്രാ​യം തോ​ന്നി​ക്കു​ന്ന ക​ടു​വ​യെ പി​ടി​കൂ​ടാ​നാ​യ​ത്. ക​ടു​വ​യെ വി​ദ​ഗ്ധ പ​രി​ശോ​ധ​ന​യ്ക്കാ​യി മൈ​സു​രു കൂ​ർ​ഗ​ള്ളി​യി​ലേ​ക്കു മാ​റ്റും.

ഞാ​യ​റാ​ഴ്ച 17 വ​യ​സു​ള്ള ചേ​ത​ൻ എ​ന്ന കു​ട്ടി​യെ ക​ടു​വ ആ​ക്ര​മി​ച്ചു കൊ​ന്നി​രു​ന്നു. അ​ച്ഛ​ൻ മ​ധു​വി​ന്‍റെ മു​ന്നി​ൽ​വ​ച്ചാ​യി​രു​ന്നു ക​ടു​വ‍​യു​ടെ ആ​ക്ര​മ​ണം. മ​ധു നി​സാ​ര പ​രി​ക്കോ​ടെ ര​ക്ഷ​പ്പെ​ട്ടു. ഇ​രു​വ​രും കാ​പ്പി​ക്കു​രു പ​റി​ക്കാ​നാ​യി എ​ത്തി​യ​താ​യി​രു​ന്നു. ‌‌

സം​ഭ​വ മ​റി​ഞ്ഞ് സ്ഥ​ല​ത്തെ​ത്തി​യ ചേ​ത​ൻ ബ​ന്ധു രാ​ജു​വി​നെ ഇ​ന്ന​ലെ രാ​വി​ലെ​യാ​ണ് ക​ടു​വ ആ​ക്ര​മി​ച്ച് കൊ​ന്ന​ത്. ഇ​തോ​ടെ ക​ടു​വ​യെ പി​ടി​കൂ​ട​ണ​മെ​ന്ന് ആ​വ​ശ്യ​പ്പെ​ട്ട് പ്ര​ദേ​ശ​ത്ത് വ്യാ​പ​ക പ്ര​തി​ഷേ​ധം ഉ​യ​ർ​ന്നി​രു​ന്നു.
 
മൃതദേഹം ആശുപത്രിയിലേക്കു മാറ്റാന്‍ അനുവദിക്കാതെ നാട്ടുകാര്‍ പ്രതിഷേധിച്ചതോടെയാണു കടുവയെ പിടിക്കാന്‍ പ്രത്യേക ദൗത്യസംഘത്തെ കര്‍ണാടക വനംവകുപ്പ് നിയോഗിച്ചത്. ഇന്നലെ മുതല്‍ കാപ്പിത്തോട്ടങ്ങള്‍ കേന്ദ്രീകരിച്ചു നടത്തിയ തിരച്ചിലിനൊടുവിലാണു കടുവയെ കണ്ടെത്തി മയക്കുവെടിവച്ചത്.