വനിതാ ട്വന്‍റി 20 ലോകകപ്പില്‍ ഇന്ത്യക്ക് ജയത്തുടക്കം; പാകിസ്താനെ ഏഴുവിക്കറ്റിന് തകർത്തു

കേ​പ്ടൗ​ൺ: വ​നി​താ ട്വ​ന്‍റി – 20 ലോ​ക​പ്പി​ലെ ആ​വേ​ശ​പ്പോ​രി​ൽ പാ​ക്കി​സ്ഥാ​നെ ത​ക​ർ​ത്ത് ഇ​ന്ത്യ. പാ​ക്കി​സ്ഥാ​ൻ ഉ​യ​ർ​ത്തി​യ 150 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന ഇ​ന്ത്യ മൂ​ന്ന് വി​ക്ക​റ്റ് ന​ഷ്ട​ത്തി​ൽ ഒ​രോ​വ​ർ ബാ​ക്കി നി​ൽ​ക്കെ വി​ജ​യ​തീ​ര​മ​ണി​ഞ്ഞു.

അ​ർ​ധ​ശ​ത​ക​വു​മാ​യി മു​ന്നി​ൽ നി​ന്ന് ന​യി​ച്ച ജ​മീ​മ റോ​ഡ്രി​ഗ​സാ​ണ് ക​ളി​യി​ലെ താ​രം. റോ​ഡ്രി​ഗ​സ് 38 പ​ന്തി​ൽ 53 റ​ൺ​സാ​ണ് നേ​ടി​യ​ത്. 24 പ​ന്തി​ൽ 41 റ​ൺ​സ് എ​ന്ന വി​ജ​യ​സ​മ​വാ​ക്യ​ത്തെ അ​വ​സാ​ന ഓ​വ​റു​ക​ളി​ൽ നേ​ടി​യ തു​ട​ർ ബൗ​ണ്ട​റി​ക​ളി​ലൂ​ടെ ബാ​റ്റ​ർ​മാ​ർ മ​റി​ക​ട​ന്ന​തോ​ടെ​യാ​ണ് അ​യ​ൽ​പ്പോ​രി​ൽ ഇ​ന്ത്യ ജ​യം സ്വ​ന്ത​മാ​ക്കി​യ​ത്.
 
150 എന്ന ലക്ഷ്യത്തിലേക്ക് ബാറ്റേന്തിയ ഇന്ത്യയ്ക്ക് ഭേദപ്പെട്ട തുടക്കമാണ് ലഭിച്ചത്. പരിക്കേറ്റ സ്മൃതി മന്ദാനയുടെ അഭാവത്തിൽ യാസ്തിക ഭാട്ടിയയാണ് ഷെഫാലി വർമയ്‌ക്കൊപ്പം ഇന്നിങ്‌സ് ഓപൺ ചെയ്തത്. യാസ്തിക 20 പന്തിൽ 17 റൺസുമായും ഷെഫാലി 25 പന്തിൽ 33 റൺസുമായും മടങ്ങിയെങ്കിലും ജെമീമ ഇന്ത്യൻ കപ്പൽ ഉലയാതെ കാത്തു.

ഇന്ത്യൻ ക്യാപ്റ്റൻ ഹർമൻപ്രീത് കൗർ 16 റൺസെടുത്ത് പുറത്തായെങ്കിലും റിച്ച ഘോഷിനെ കൂട്ടുപിടിച്ച് ജെമീമ ദൗത്യം പൂർത്തിയാക്കി. ഇന്ത്യൻ ഇന്നിങ്‌സിൽ ഒറ്റ സിക്‌സറും പിറന്നില്ലെങ്കിലും ഒരു ഓവർ ബാക്കിയാക്കി ജെമീമയും റിച്ചയും ഇന്ത്യയെ വിജയതീരത്തെത്തിച്ചു. ജെമീമ 38 പന്തിൽ എട്ട് ബൗണ്ടറിയുമായി 53* റൺസുമായി ഇന്ത്യയുടെ വിജയശിൽപിയായി. റിച്ച 20 പന്തിൽ അഞ്ച് ബൗണ്ടറിയുടെ അകമ്പടിയോടെ 31 റൺസുമായും ജെമീമയ്ക്ക് ഉറച്ച പിന്തുണയും നൽകി.

പാക് ബൗളർമാരിൽ നാല് ഓവറിൽ 15 റൺസ് മാത്രം വിട്ടുകൊടുത്ത് രണ്ട് വിക്കറ്റ് കൊയ്ത നശ്ര സന്ധുവാണ് ഇന്ത്യയ്ക്ക് വെല്ലുവിളി ഉയർത്തിയത്. നാല് ഓവറിൽ 25 റൺസ് മാത്രം വിട്ടുനൽകി സാദിയ ഇഖ്ബാൽ ഒരു വിക്കറ്റും സ്വന്തമാക്കി.

 
ടോ​സ് നേ​ടി ബാ​റ്റിം​ഗ് തെ​ര​ഞ്ഞെ​ടു​ത്ത പാ​ക്കി​സ്ഥാ​ന് ഓ​പ്പ​ണ​ർ​മാ​രെ വേ​ഗം ന​ഷ്ട‌​മാ​യെ​ങ്കി​ലും ക്യാ​പ്റ്റ​ൻ ബി​സ്മ മ​ഹ്റൂ​ഫ്, ആ​യി​ഷ ന​സീം എ​ന്നി​വ​ർ സ്കോ​ർ ഉ​യ​ർ​ത്തി. മ​ഹ്റൂ​ഫ് 55 പ​ന്തി​ൽ 68 റ​ൺ​സ് നേ​ടി പു​റ​ത്താ​കാ​തെ നി​ന്ന​പ്പോ​ൾ ന​സീം 43* റ​ൺ​സാ​ണ് ടീ​മി​നാ​യി കൂ​ട്ടി​ച്ചേ​ർ​ത്ത​ത്. 

ഇന്ത്യയ്ക്ക് വേണ്ടി രാധാ യാദവ് നാലോവറില്‍ 21 റണ്‍സ് മാത്രം വിട്ടുനല്‍കി രണ്ട് വിക്കറ്റെടുത്തു. ദീപ്തി ശര്‍മ, പൂജ വസ്ത്രാകര്‍ എന്നിവര്‍ ഓരോ വിക്കറ്റ് വീതം സ്വന്തമാക്കി.
 
ജ​യ​ത്തോ​ടെ ഗ്രൂ​പ്പ് ര​ണ്ടി​ൽ ര​ണ്ടാം സ്ഥാ​ന​ത്തേ​ക്ക് എ​ത്താ​ൻ ഇ​ന്ത്യ​ക്ക് സാ​ധി​ച്ചു. ഒ​ന്നാം സ്ഥാ​ന​ത്തു​ള്ള ഇം​ഗ്ല​ണ്ടി​ന് ഇ​ന്ത്യ​യു​ടേ​തി​ന് സ​മാ​ന​മാ​യി ര​ണ്ട് പോ​യി​ന്‍റാ​ണ് ഉ​ള്ള​തെ​ങ്കി​ലും റ​ൺ​നി​ര​ക്കി​ൽ ഇം​ഗ്ലി​ഷ് ടീം(+2.767) ​മു​ന്നി​ലെ​ത്തി. ഇ​ന്ത്യ​യു​ടെ റ​ൺ​നി​ര​ക്ക് +0.497 ആ​ണ്.