അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ആലപ്പുഴ: മാവേലിക്കര സബ് ജയിലിൽ നിന്ന് ചാടിയ പ്രതിയെ പൊലീസ് പിടികൂടി. തടവ് ചാടിയ വിഷ്ണു ഉല്ലാസ് എന്ന പ്രതിയെ തിരുവല്ല തുകലശേരിയിൽ നിന്നാണ് പൊലീസ് പിടികൂടിയത്. ആയുധനിയമം അടക്കമുള്ള വകുപ്പുകൾ പ്രകാരം പ്രതിക്കെതിരെ വീണ്ടും കേസെടുത്തു.
ജനുവരി 26നു രാവിലെയായിരുന്നു സംഭവം. പ്രാഥമികകൃത്യങ്ങൾ നടത്തുന്നതിനായി സെല്ലിൽ നിന്നു പ്രതികളെ പുറത്തിറക്കിയപ്പോൾ ജയിലിന്റെ വടക്കുഭാഗത്തെ അരമതിൽ വഴി വനിതാജയിലിന്റെ മതിലിൽ കയറി താഴേക്കു ചാടിയാണു പ്രതി കടന്നത്. ജഡ്ജിമാരുടെ ക്വാർട്ടേഴ്സിനു സമീപത്തുകൂടി പ്രധാന റോഡിലെത്തിയ വിഷ്ണു സിവിൽ സ്റ്റേഷനു സമീപത്തു നിന്ന് അതുവഴിയെത്തിയ ബൈക്കിൽ ലിഫ്റ്റ് ചോദിച്ചു ടൗണിൽ ഇറങ്ങി. സ്വകാര്യ ബസിൽ കയറി തിരുവല്ല കാവുംഭാഗത്തിറങ്ങിയ വിഷ്ണു വീട്ടിലെത്തിയ ശേഷമാണു ഒളിവിൽ പോയത്.
യുവതിയോടു മോശമായി പെരുമാറിയതു ചോദ്യം ചെയ്ത സഹോദരനെ ആക്രമിക്കുകയും വടിവാൾ കാട്ടി ഭീഷണിപ്പെടുത്തുകയും ചെയ്ത കേസിലെ പ്രതിയാണ് വിഷ്ണു.
