അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഷാർജ-കോഴിക്കോട് എയർ ഇന്ത്യ വിമാനം ഷാർജ വിമാനത്താവളത്തിൽ തിരിച്ചിറക്കി. പുറപ്പെട്ട് ഒരു മണിക്കൂർ പറന്ന ശേഷമാണ് AI 998 വിമാനം തിരിച്ചിറക്കിയത്. സാങ്കേതിക തകരാറാണ് കാരണം. യാത്രക്കാരെ വിമാനത്തിൽ നിന്ന് എയർപോർട്ട് ടെർമിനലിലേക്ക് മാറ്റി.
170 ഓളം യാത്രക്കാരാണ് വിമാനത്തിലുണ്ടായിരുന്നത്. കോഴിക്കോട് വിമാനത്താവളം റൺവേ അറ്റകുറ്റപണി നടക്കുന്നതിനാൽ ഇന്ന് ഉച്ചക്ക് ശേഷം മാത്രമേ യാത്ര പുനരാംഭിക്കാനാവൂ. റെസിഡന്റ് വിസയുള്ള യാത്രക്കാരോട് വിമാനത്താവളത്തിൽ നിന്ന് വീട്ടിലേക്ക് മടങ്ങാൻ അധികൃതർ നിർദേശം നൽകി. സന്ദർശകവിസയിലുള്ള സ്ത്രീകളും കുട്ടികളുമടക്കം വിമാനത്താവളത്തിൽ കുടുങ്ങി. നാട്ടിലെത്തിക്കേണ്ട ഒരു മൃതദേഹവും വിമാനത്തിലുണ്ട്.
