സർവേ റിസൾട്ട് പുറത്ത് വന്നു; മസ്‌ക് ട്വിറ്റർ സി.ഇ.ഒ സ്ഥാനത്ത് വേണ്ടെന്ന് അഭിപ്രായം

ന്യൂ​യോ​ർ​ക്ക്: ട്വി​റ്റ​ർ മേ​ധാ​വി സ്ഥാ​ന​ത്ത് തു​ട​ര​ണോ എ​ന്നു ചോ​ദി​ച്ച് അ​ഭി​പ്രാ​യ സ​ർ​വേ നടത്തി വെട്ടിലായി ഇലോൺ മസ്ക്ക്. ട്വിറ്റർ സി.ഇ.ഒ പദവി ഒഴിയണമോ എന്ന് ചോദിച്ച് നടത്തിയ സർവേയിൽ ഭൂരിഭാഗം പേരും മസ്കിനെതിരെ വോട്ടുചെയ്തു.  അ​ഭി​പ്രാ​യ വോ​ട്ടെ​ടു​പ്പി​ൽ ഭൂ​രി​ഭാ​ഗം പേ​രും മ​സ്ക് മാ​റ​ണ​മെ​ന്നാ​ണ് ആ​വ​ശ്യ​പ്പെ​ട്ടി​രി​ക്കു​ന്ന​ത്.

17,502,391 പേ​രാ​ണ് പോ​ളി​ല്‍ പ​ങ്കെ​ടു​ത്ത​ത്. ഇ​തി​ല്‍ 57.5 ശ​ത​മാ​നം പേ​രും മ​സ്ക് മാ​റ​ണം എ​ന്നാ​ണ് ഉ​ത്ത​രം ന​ല്‍​കി​യ​ത്. ഉ​ത്ത​ര​വാ​ദി​ത്ത​ത്തോ​ടെ വേ​ണം ചോ​ദ്യ​ത്തി​ന് മ​റു​പ​ടി ന​ല്‍​കേ​ണ്ട​തെ​ന്നും ഇ​ത​നു​സ​രി​ച്ച് ട്വി​റ്റ​ർ പോ​ളി​സി​ക​ളി​ൽ മാ​റ്റം​വ​രു​ത്തു​മെ​ന്നും മ​സ്‌​ക് അ​റി​യി​ച്ചി​രു​ന്നു.

അ​ഭി​പ്രാ​യ വോ​ട്ടെ​ടു​പ്പി​ന്‍റെ ഫ​ലം താ​ൻ അം​ഗീ​ക​രി​ക്കു​മെ​ന്നും മ​സ്ക് ഉ​റ​പ്പു ന​ൽ​കി​യി​രു​ന്നു. അ​തി​നി​ടെ ട്വി​റ്റ​റി​ൽ മ​റ്റു സാ​മൂ​ഹി​ക മാ​ധ്യ​മ​ങ്ങ​ളു​ടെ പ്ര​ചാ​ര​ണ​ത്തി​ന് വി​ല​ക്ക് ഏ​ർ​പ്പെ​ടു​ത്തി. ഫേ​സ്ബു​ക്കും ഇ​ൻ​സ്റ്റ​ഗ്രാ​മും അ​ട​ക്ക​മു​ള്ള സാ​മു​ഹി​ക മാ​ധ്യ​മ​ങ്ങ​ളു​ടെ ക​ണ്ട​ന്‍റും ലി​ങ്കും ട്വി​റ്റ​റി​ൽ പ​ങ്ക് വ​യ​ക്കു​ന്ന​തി​നാ​ണ് വി​ല​ക്ക്.
  
അഭിപ്രായ സ്വാതന്ത്ര്യത്തിന് പ്രാധാന്യം നൽകുന്ന മറ്റാരെയെങ്കിലും പദവി ഏൽപ്പിക്കണമെന്നായിരുന്നു ഭൂരിഭാഗം പേരും ആവശ്യപ്പെട്ടത്. ട്വിറ്റർ മേധാവിയായി എത്തിയതിന് ശേഷം വലിയ വിമർശനമാണ് മസ്ക്ക് സമൂഹ മാധ്യമങ്ങളിൽ അഭിമുഖീകരിക്കുന്നത്. മാധ്യമ പ്രവർത്തകരുടെ അക്കൗണ്ട് നീക്കം ചെയ്തതും, ബ്ലൂ ടിക്കിന് നിരക്ക് ഈടാക്കാനുള്ള തീരുമാനവും വിമർശനം ഏറ്റുവാങ്ങിയിരുന്നു.