അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഷാര്‍ജ: ഹ്രസ്വ സന്ദര്‍ശനാര്‍ത്ഥം യുഎഇയിലെത്തിയ തൃശൂര്‍ ചാലക്കുടി നിയോജക മണ്ഡലം എം.എല്‍.എ ടി.ജെ സനീഷ് കുമാര്‍ കെഎസ് യു ജില്ലാ ജനറല്‍ സെക്രട്ടറി മുഹമ്മദ് സറൂഖ് എന്നിവര്‍ക്ക് ഗ്ലോബല്‍ പ്രവാസി അസോസിയേഷനും യാബ് ലീഗല്‍ സര്‍വീസസും സംയുക്തമായി സ്‌നേഹോപഹാരം നല്‍കി സ്വീകരിച്ചു.
കേരളത്തിലും ഗള്‍ഫ് രാജ്യങ്ങളിലുമുള്ള പ്രവാസികളുടെ പ്രശ്‌നങ്ങള്‍ക്ക് പരിഹാരം കാണുന്നതിനായി എന്നും മുന്‍ നിരയില്‍ നിന്ന് പ്രവര്‍ത്തിക്കുന്ന വ്യക്തിയാണ് എം.എല്‍.എ ടി.ജെ .സനീഷ് കുമാര്‍ എന്ന് യുഎഇയിലെ അറിയപ്പെടുന്ന നിയമപ്രതിനിധിയും ലോക കേരള സഭാംഗവും യാബ് ലീഗല്‍ സര്‍വീസസിന്റെ സിഇഒ യുമായ സലാം പാപ്പിനിശ്ശേരി പറഞ്ഞു.
ചടങ്ങില്‍ ഇന്‍കാസ് തൃശൂര്‍ ജില്ലാ കമ്മിറ്റി പ്രസിഡന്റ് ഷാഫി അഞ്ചങ്ങാടി, അഡ്വ.നൈഫ് മരക്കാര്‍ , അഡ്വ.അനുപമ തുടങ്ങിയവര്‍ സന്നിഹിതരായിരുന്നു.
