അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഖത്തർ ലോകകപ്പിന്റെ അവസാന നാല് ടീമുകൾ ആരെന്ന് അറിയാനുള്ള ക്വാർട്ടർ ഫൈനൽ പോരാട്ടങ്ങൾ നാളെ തുടങ്ങും. ഇന്ത്യൻ സമയം രാത്രി 8.30ന് എഡുക്കേഷൻ സ്‌റ്റേഡിയത്തിൽ വച്ചാണ് മത്സരം നടക്കുക. അഞ്ച് തവണ ലോക ചാമ്പ്യന്മാരായ ബ്രസീൽ കഴിഞ്ഞ തവണത്തെ റണ്ണറപ്പുകളായ ക്രൊയേഷ്യയെയാണ് നേരിടുക.
അന്ന് നടക്കുന്ന രണ്ടാം മത്സരത്തിൽ അര്ജന്റീന നെതർലൻഡ്‌സിനെയും നേരിടും. ബ്രസീലും അർജന്റീന തങ്ങളുടെ മത്സരങ്ങളിൽ ജയിക്കുകയാണെങ്കിൽ പോരാട്ടം ആവേശമാകും . സെമിയിൽ ഈ രണ്ട് ടീമുകളും തമ്മിൽ ഏറ്റുമുട്ടുകയാണെങ്കിൽ ഇത്തവണത്തെ ലോകകപ്പിലെ ഏറ്റവും ഗ്ലാമർ പോരാട്ടമായിരിക്കും ഇത്.
ക്വാർട്ടർ മത്സരങ്ങളുടെ രണ്ടാം ദിനമായ ഡിസംബർ 10 ശനിയാഴ്‌ച പോർച്ചുഗലും, ഫ്രാൻസും, ഇംഗ്ലണ്ടും അടക്കമുള്ള ടീമുകൾ കളത്തിലിറങ്ങും. ആദ്യ മത്സരത്തിൽ മൊറോക്കോയെയാണ് ക്രിസ്‌റ്റ്യാനോയുടെ പോർച്ചുഗൽ നേരിടുക.
