അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഖത്തര്‍ ലോകകപ്പില്‍ ആദ്യ പ്രീ ക്വാര്‍ട്ടറില്‍ യുഎസ്എയ്ക്കെതിരെ ഗ്രൂപ്പ് എ ജേതാക്കളായ നെതര്‍ലന്‍ഡ്സിന് ജയം. അമേരിക്കയെ ഒന്നിനെതിരെ മൂന്ന് ഗോളുകള്‍ക്ക് പരാജയപ്പെടുത്തി നെതര്‍ലാന്‍ഡ്‌സ് ക്വാര്‍ട്ടറില്‍ പ്രവേശിച്ചു.
യുഎസ്എയ്ക്കെതിരെ മത്സരം തുടങ്ങി പത്താം മിനിറ്റിലും ആദ്യ പകുതിയുടെ അധിക സമയത്ത് 46ാം മിനിറ്റിലും 81ാം മിനിറ്റിലുമാണ് നെതര്‍ലന്‍ഡ്സിന്റെ ഗോള്‍ നേട്ടം. എംഫിസ് ഡിപേയും ഡാലി ബ്ലിൻഡും ഡെൻസൽ ഡെംഫ്രൈസുമാണ് ടീമിനായി വലകുലുക്കിയത്. 76ാം മിനിറ്റിൽ ഹാജി റൈറ്റിലൂടെ യുഎസ്എ ആശ്വാസ ഗോൾ നേടിയിരുന്നു.
നിലവിൽ ഡീപേ നെതർലൻഡ്സിന്റെ രണ്ടാം ഗോൾ വേട്ടക്കാരനാണ്. 43 ഗോളുകളാണ് താരത്തിന്റെ പേരിലുള്ളത്. 50 ഗോളുകളടിച്ച റോബിൻ വാൻപേഴ്സിയാണ് ഏറ്റവും മുമ്പിലുള്ളത്.
ഇന്ന് 12.30 ന് രണ്ടാം പ്രീക്വാർട്ടറിൽ ഗ്രൂപ്പ് സി ജേതാക്കളായ അർജന്റീന ഗ്രൂപ്പ് ഡിയിലെ രണ്ടാം സ്ഥാനക്കാരായ ആസ്ത്രേലിയയെ നേരിടും.
യു.എസ്.എ, നെതർലൻഡ്‌സ് ടീമുകളുടെ ലൈനപ്പ്
നെതർലൻഡ്‌സ്
ആൻഡ്രേസ് നോപ്പെർട്ട്, ജൂറിയൻ ടിംബർ, വിർജിൽ വൻ ഡിക് (ക്യാപ്റ്റൻ), നഥാൻ അകെ, ഡാവി ക്ലാസൻ, മാർട്ടെൻ ഡെ റൂൺ, ഡാലി ബ്ലിൻഡ്, ഫ്രാങ്കി ഡെ ജോങ്, ഡാൻസെൽ ഡംഫ്രൈസ്, കോഡി ഗാക്‌പോ, മെംഫിസ് ഡെപേ. കോച്ച്: ലൂയിസ് വാൻഗാൾ.
യു.എസ്.എ
മാറ്റ് ടർണർ, സെർജിനോ ഡെസ്റ്റ്, വാൾക്കർ സിമ്മർമാൻ, ആൻറണി റോബിൻസൺ, ടിം റീം, ടൈലർ ആഡംസ് (ക്യാപ്റ്റൻ), യൂനുസ് മൂസ, വെസ്‌റ്റേൺ മകെന്നി, ജീസസ് ഫെറിറ, ക്രിസ്റ്റിയൻ പുലിസിച്, തിമോതി വീഹ്. കോച്ച്: ഗ്രേഗ് ബെർഹാൽടർ.
