അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഇടുക്കി: കടയില്‍ നിന്ന് പണം മോഷ്ടിച്ച സംഭവത്തില്‍ പൊലീസുകാരന് സസ്‌പെന്‍ഷന്‍. പീരുമേട് പോലീസ് സ്റ്റേഷനിലെ സിവില്‍ പോലീസ് ഓഫീസര്‍ സാഗര്‍ പി. മധുവിനെതിരെയാണ് നടപടി. പാമ്പനാര്‍ ടൗണിലെ ഒരു കടയില്‍ നിന്ന് പതിവായി പണം മോഷ്ടിച്ചെന്ന ആരോപണത്തിലാണ് ഇയാൾക്കെതിരെ നടപടി. പോലീസ് അസോസിയേഷന്‍ ഇടുക്കി ജില്ലാ വൈസ് പ്രസിഡന്റാണ് സാഗര്‍ പി. മധു. ഇതോടെ ജില്ലാ പോലീസ് മേധാവിയാണ് സസ്പെന്ഡ് ചെയ്തത്. കേരള
നവംബര്‍ 24ന് കടയിലെത്തിയ സാഗര്‍ കടയുടമയോട് നാരങ്ങാവെള്ളം ചോദിച്ചു. ഉടമ ഇത് എടുക്കാന്‍ തിരിഞ്ഞ തക്കം നോക്കി പണപ്പെട്ടിയില്‍ നിന്ന് പണം എടുക്കുകയായിരുന്നു. എന്നാലിത് ശ്രദ്ധിച്ച ഉടമ സാഗറിനെ പിടിച്ചുനിര്‍ത്തി. സംഭവം അറിഞ്ഞ് ആള്‍ക്കാര്‍ കൂടിയതോടെ പണം നല്‍കി ഒത്തുതീര്‍പ്പിന് ശ്രമിച്ചു. 40,000 രൂപ നല്‍കാമെന്നായിരുന്നു വാഗ്ദാനം. മുന്‍കൂറായി 5000 രൂപയും ഇയാള്‍ നല്‍കി. ഇതോടെ കടയുടമ പരാതി നല്‍കേണ്ടതില്ലെന്ന് തീരുമാനിച്ചു. എന്നാല്‍ പൊലീസിന് വഴങ്ങിയാണ് ഇയാള്‍ കേസ് നല്‍കാത്തതെന്നും ആക്ഷേപമുണ്ട്.
