അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ന്യൂ ഡല്‍ഹി: ലെജന്റ്സ് ക്രിക്കറ്റ് ലീഗ് മൂന്നാം സീസണ് ഖത്തറും ഒമാനും വേദിയാകും. അടുത്ത വര്‍ഷം ഫെബ്രുവരി 27 മുതല്‍ മാര്‍ച്ച് എട്ട് വരെയാണ് ടൂര്‍ണമെന്റ് നടക്കുക. ഇന്ത്യന്‍ മഹരാജാസ്, ഏഷ്യ ലയണ്‍സ്, വേള്‍ഡ് ജയന്റ്സ് എന്നീ ടീമുകള്‍ ടൂര്‍ണമെന്റിന്റെ ഭാഗമാകും. പാകിസ്ഥാന്‍, ശ്രീലങ്ക, ഓസ്ട്രേലിയ, വെസ്റ്റ് ഇന്‍ഡീസ്, ഇംഗ്ലണ്ട് തുടങ്ങിയ രാജ്യങ്ങളില്‍ നിന്നുള്ള താരങ്ങള്‍ പങ്കെടുക്കും.
അതേസമയം, കഴിഞ്ഞ സീസണില്‍ നാല് ടീമുകളാണ് കളിച്ചത്. 85 താരങ്ങള്‍ ലീഗിന്റെ ഭാഗമായിരുന്നു. വീണ്ടും ക്രിക്കറ്റിന്റെ ഭാഗമാവാന്‍ സാധിക്കുന്നതില്‍ അതിയായ സന്തോഷമുണ്ടെന്ന് മുന്‍ ഇന്ത്യന്‍ താരം ഹര്‍ഭജന്‍ സിംഗ് പറഞ്ഞു. മുന്‍ ഓസ്ട്രേലിയന്‍ താരം ഷെയ്ന്‍ വാട്സണും തിരിച്ചു വരവിന്റെ സന്തോഷത്തിലാണ്. ക്രിസ് ഗെയ്ല്‍, ഗൗതം ഗംഭീര്‍, ഇര്‍ഫാന്‍ പത്താന്‍ തുടങ്ങിയവരെല്ലാം ടൂര്‍ണമെന്റില്‍ പങ്കെടുക്കും. കഴിഞ്ഞ സീസണില്‍ ഗൗതം ഗംഭീര്‍ നയിച്ച ഇന്ത്യ കാപിറ്റല്‍സാണ് ചാംപ്യന്മാരായത്.
