അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അമരാവതി: സിനിമ സ്‌റ്റൈലില്‍ കഞ്ചാവ് കടത്താന്‍ ശ്രമിച്ച രണ്ടുപേരെ പൊലീസ് അറസ്റ്റ് ചെയ്തു. ആന്ധ്രാപ്രദേശിലെ അല്ലൂരി സീതാരാമരാജു ജില്ലയിലാണ് സംഭവം. ഇവരില്‍ നിന്ന് 130 കിലോ കഞ്ചാവ് പിടിച്ചെടുത്തു.
അതേസമയം, 2021 ലെ തെലുങ്ക് ഹിറ്റ് ചിത്രമായ പുഷ്പ: ദ റൈസില്‍ നിന്ന് പ്രചോദനം ഉള്‍ക്കൊണ്ടാണ് ഇവര്‍ കഞ്ചാവ് കടത്തിയതെന്ന് പൊലീസ് അറിയിച്ചു. സിനിമയിലെ ഹീറോ ചെയ്തതിന് സമാനമായി വാഹനത്തിന്റെ മുകള്‍ഭാഗത്ത് പ്രത്യേക ഷെല്‍ഫ് സ്ഥാപിച്ചായിരുന്നു ഇവര്‍ കഞ്ചാവ് സൂക്ഷിച്ചിരുന്നത്. ദുംബ്രിഗുഡ മണ്ഡലിലെ കിഞ്ചമണ്ട ഗ്രാമത്തില്‍ സ്‌പെഷ്യല്‍ എന്‍ഫോഴ്‌സ്‌മെന്റ് ബ്യൂറോ നടത്തിയ പരിശോധനയിലാണ് കഞ്ചാവ് പിടികൂടിയത്. കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു.
