അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദോഹ: ഖത്തര്‍ ലോകകപ്പില്‍ പ്രീ ക്വാര്‍ട്ടര്‍ ഉറപ്പിക്കാന്‍ ബ്രസീലും പോര്‍ച്ചുഗലും ഇന്നിറങ്ങും. രാത്രി ഒന്‍പതരയ്ക്ക് ബ്രസീല്‍ സ്വിറ്റ്‌സര്‍ലന്‍ഡിനെയും പന്ത്രണ്ടരയ്ക്ക് പോര്‍ച്ചുഗല്‍ ഉറുഗ്വേയേയും നേരിടും. ആദ്യ മത്സരത്തില്‍ ബ്രസീല്‍ എതിരില്ലാത്ത രണ്ട് ഗോളിന് സെര്‍ബിയയെ തകര്‍ത്തപ്പോള്‍ പോര്‍ച്ചുഗല്‍ ഘാനയ്ക്കെതിരെ രണ്ടിന് മൂന്ന് ഗോളുകള്‍ക്ക് വിജയിച്ചിരുന്നു.
അതേസമയം, ഇന്നു നടക്കാനിരിക്കുന്ന കളിയില്‍ സൂപ്പര്‍ താരം നെയ്മറിന് പകരം ആരിറങ്ങുമെന്നാണ് പ്രേക്ഷകര്‍ ഉറ്റുനേക്കുന്നത്. പകരക്കാരെ തീരുമാനിച്ചുവെന്ന് ബ്രസീല്‍ കോച്ച് ടിറ്റെ വ്യക്തമാക്കിയിരുന്നു. സെര്‍ബിയക്കെതിരായ മത്സരത്തില്‍ നെയ്മറിനും ഡാനിലോയും പരിക്കേറ്റതോടെയാണ് ടീമില്‍ മാറ്റംവരുത്താന്‍ ടിറ്റെ നിര്‍ബന്ധിതനായത്.
