ബെൽജിയത്തെ അട്ടിറിച്ച് മൊ​റോ​ക്കോ; ഏകപക്ഷീയമായ രണ്ടുഗോളുകള്‍ക്ക് ജയം

ദോഹ: ഖത്തറിൽ വീണ്ടും അട്ടിമറി. ലോ​ക​റാ​ങ്കിം​ഗി​ൽ മു​ന്നി​ലു​ള്ള ബെ​ൽ​ജി​യ​ത്തെ തോ​ൽ​പ്പി​ച്ച് മൊ​റോ​ക്കോ. എ​തി​രി​ല്ലാ​ത്ത ര​ണ്ട് ഗോ​ളു​ക​ൾ​ക്കാ​ണ് മൊ​റോ​ക്കോ ബെ​ൽ​ജി​യ​ത്തെ പ​രാ​ജ​യ​പ്പെ​ടു​ത്തി​യ​ത്.

അ​ബ്ദു​ൽ​ഹ​മി​ദ് സ​ബി​രി, സ​കാ​രി​യ അ​ബു​ഖ്ലാ​ൽ‌ എ​ന്നി​വ​രാ​ണ് മൊ​റോ​ക്കോ​യു​ടെ ഗോ​ളു​ക​ൾ നേ​ടി​യ​ത്. ഗോള്‍രഹിതമായ ആദ്യ പകുതിക്ക് ശേഷം രണ്ടാം പകുതിയിലാണ് മൊറോക്കോ വലകുലുക്കിയത്. 73 ാം മി​നി​റ്റി​ൽ സ​ബി​രി ഫ്രീ​കി​ക്കി​ലൂ​ടെ മൊ​റോ​ക്കോ​യെ മു​ന്നി​ലെ​ത്തി​ച്ചു. ബോ​ക്സി​ന്‍റെ ഇ​ട​ത് മൂ​ല​യി​ൽ​നി​ന്നും സ​ബി​രി എ​ടു​ത്ത ഫ്രീ​കി​ക്ക് ബെ​ൽ​ജി​യെ ഗോ​ളി തി​ബോ ക്വോ​ട്ടു​വ​യെ മ​റി​ക​ട​ന്ന് വ​ല​യി​ൽ വീ​ണു.

നേ​ര​ത്തെ സ​മാ​ന​മാ​യ ഫ്രീ​കി​ക്ക് മൊ​റോ​ക്കോ വ​ല​യി​ൽ എ​ത്തി​ച്ചെ​ങ്കി​ലും വാ​റി​ലൂ​ടെ ഗോ​ൾ നി​ഷേ​ധി​ച്ചി​രു​ന്നു. അ​വ​സാ​ന മി​നി​റ്റു​ക​ളി​ൽ‌ ഗോ​ൾ വീ​ണ​തോ​ടെ ഉ​ണ​ർ​ന്ന ബെ​ൽ​ജി​യം, സൂ​പ്പ​ർ താ​രം ലു​ക്കാ​ക്കു​വി​നെ ക​ള​ത്തി​ലി​റ​ക്കി​യെ​ങ്കി​ലും ഫ​ലം​ക​ണ്ടി​ല്ല. ഇ​ഞ്ചു​റി ടൈ​മി​ൽ മൊ​റോ​ക്കോ ര​ണ്ടാ​മ​തും വ​ല​കു​ലു​ക്കി വി​ജ​യം ആ​ധി​കാ​രി​ക​മാ​ക്കി. ഇതോടെ ഗ്രൂപ്പ് എഫില്‍ ഒന്നാം സ്ഥാനത്തെത്താനും മൊറോക്കയ്ക്കായി.

മൊറോക്ക വിജയിക്കുന്ന മൂന്നാം ലോകകപ്പ് മത്സരം മാത്രമാണ് അല്‍ തുമാമ സ്‌റ്റേഡിയത്തിലേത്. ലോകകപ്പില്‍ അവര്‍ ആദ്യമായി ഒരു മത്സരം വിജയിക്കുന്നത് 1986-ലാണ്. പോര്‍ച്ചുഗലിനെ ഒന്നിനെതിരേ മൂന്ന് ഗോളുകള്‍ക്കാണ് അന്ന് പരാജയപ്പെടുത്തിയത്. മൊറോക്കോയുടെ രണ്ടാം ജയം 1998-ലോകകപ്പിലാണ്. അന്ന് സ്‌കോട്‌ലന്‍ഡിനെ ഏകപക്ഷീയമായ മൂന്ന് ഗോളുകള്‍ക്കാണ് മൊറോക്കോ തകര്‍ത്തത്.

ബെൽജിയം ലൈനപ്പ്: തിബോ കോർട്ട്വാ, തിമോത്തി കാസ്റ്റാനി, ജാൻ വെർട്ടൻഗെൻ, ടോബി ആൾഡിവെറെൽഡ്, തോമസ് മ്യൂനിയർ, ആക്‌സൽ വിറ്റ്‌സെൽ, അമാഡൗ ഒനാന, തോർഗൻ ഹസാർഡ്, കെവിൻ ഡി ബ്യൂയിൻ, ഈഡൻ ഹസാർഡ്, മിഷി ബാഷ്വായി.

മൊറോക്കോ ലൈനപ്പ്: യാസീൻ ബൗനോ, അഷ്‌റഫ് ഹകീമി, നൗസൈർ മസ്‌റൂഇ, സുഫ്‌യാൻ അമ്രബാത്, നായിഫ് അഗ്വേഡ്, റൊമൈൻ സായ്‌സ്, ഹകീം സിയെച്ച്, അസ്സെദ്ദീൻ ഒനാഹി, സെലീം അമല്ലാ, സൗഫിയാൻ ബൗഫൽ, യൂസുഫ് അൽനെസൈരി.