അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കോഴിക്കോട്: താമരശ്ശേരിയിൽ വ്യാപാരിയെ തട്ടികൊണ്ടുപോയ സംഘത്തിലെ ഒരാൾ അറസ്റ്റിൽ. മലപ്പുറം സ്വദേശിയാണ് വിദേശത്തേക്ക് കടക്കാൻ ശ്രമിക്കുന്നതിനിടെ പോലീസ് പിടികൂടിയത്. ഇയാളെ കരിപ്പൂർ വിമാനത്താവളത്തിൽ വെച്ചാണ് അന്വേഷണ സംഘം പിടിക്കൂടിയത്. ഇയാൾ ക്വട്ടേഷൻ സംഘമാണെന്നാണ് പൊലീസ് നൽകുന്ന വിവരം.
താമരശ്ശേരി അവേലം സ്വദേശി അഷ്‌റഫിനെ ശനിയാഴ്ച രാത്രി 9.45 ന് ആണ് ഒരു സംഘം തട്ടിക്കൊണ്ടുപോയത്. സുമോയിലും കാറിലുമായി എത്തിയ സംഘമായിരുന്നു അഷ്‌റഫിനെ തട്ടിക്കൊണ്ടുപോയത്.വ്യാപാരിയെ തട്ടിക്കൊണ്ടുപോയ പ്രതികൾ ഉപയോഗിച്ച വാഹനം പൊലീസ് കസ്റ്റഡിയിലെടുത്തിരുന്നു. കോഴിക്കോട് രജിസ്ട്രേഷനിലുളള വാഹനമാണ് ആദ്യം മുക്കത്ത് വെച്ച് കസ്റ്റഡിയിൽ എടുത്തത്. പിന്നീട് തട്ടിക്കൊണ്ടുപോകാൻ ഉപയോഗിച്ച രണ്ടാമത്തെ വാഹനം ഇന്നലെയാണ് കസ്റ്റഡിയിൽ എടുത്തത്. മലപ്പുറം രജിസ്ട്രേഷനിലുളള കാർ കൊണ്ടോട്ടിയിൽ നിന്നാണ് പിടികൂടിയത്. വാഹനങ്ങൾ വാടകയ്ക്ക് നൽകിയതെന്നാണ് ഉടമകളുടെ മൊഴി.
