അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: ഐഎസ്എൽ എടികെ മോഹൻ ബഗാൻ- കേരള ബ്ലാസ്റ്റേഴ്സ് മത്സരത്തിൽ കേരളത്തെ മൂന്ന് ഗോളിന് പരാജയപ്പെടുത്തി എടികെ മോഹൻ ബഗാൻ. മത്സരത്തില്‍ തുടക്കത്തിലെ മുന്നിലെത്തിയിട്ടും അഞ്ച് ഗോള്‍ തിരിച്ചുവാങ്ങി ഒരെണ്ണം കൂടി തിരിച്ചടിച്ച് കേരളാ ബ്ലാസ്റ്റേഴ്സ് എടികെക്കെതിരെ 2-5ന്‍റെ തോല്‍വി വഴങ്ങി.
എടികെക്കായി ഓസ്ട്രേലിയന്‍ താരം ദിമിത്രി പെട്രാറ്റോസ് ഹാട്രിക്ക് നേടിയപ്പോള്‍ ജോണി കൗക്കോയും ലെനി റോഡ്രിഗസും ഗോള്‍ പട്ടിക തികച്ചു. മത്സരത്തിന്റെ ആറാം മിനിറ്റിൽ ബ്ലാസ്റ്റേഴ്സിന് വേണ്ടി യുക്രൈനിയൻ മിസേൽ ഇവാൻ കല്യൂഷ്നിയും എൺപതാം മിനിറ്റിൽ ബ്ലാസ്റ്റേഴ്സിന് വേണ്ടി രാഹുൽ കെ പി രണ്ടാം ഗോളടിച്ചു.
ആദ്യ പകുതിയുൂടെ ആരംഭം മുതൽ തന്നെ ഗോൾ നേടാൻ അവസരങ്ങൾ ബ്ലാസ്റ്റേഴ്സിന് ലഭിച്ചിരുന്നുവെങ്കിലും മുതെലെടുക്കാനായില്ല. സ്കോർ സമനിലയായതിന് ശേഷം സ്ഥിരത കൈവരിക്കാൻ ബ്ലാസ്റ്റേഴ്സ് ശ്രമിച്ചെങ്കിലും പരാജയപ്പെട്ടു.
കഴിഞ്ഞ മത്സരം കളിച്ച ടീമില്‍ ഒരു മാറ്റവുമായാണ് ബ്ലാസ്റ്റേഴ്സ് ഇന്ന് ഇറക്കിയത്. ഈസ്റ്റ് ബംഗാളിനെതിരെ പകരക്കാരനായി വന്ന് രണ്ട് ഗോളടിച്ച ഇവാന്‍ കല്യൂഷ്നിക്ക് ആദ്യ ഇലവനില്‍ ഇടം നല്‍കിയപ്പോള്‍ കഴിഞ്ഞ മത്സരത്തില്‍ മുന്നേറ്റ നിരയില്‍ കളിച്ച അപ്പോസ്‌തോലോസ് ജിയാനോ പുറത്തിരുന്നു.
സീസണിലെ രണ്ട് മത്സരങ്ങളില്‍ ബ്ലാസ്റ്റേഴ്സിന്‍റെ ആദ്യ തോല്‍വിയാണിത്. സീസണില്‍ എടികെയുടെ ആദ്യ ജയവുമാണിത്. പ്രതിരോധനിരയിലെ പിഴവാണ് ടീമിന്റെ തോല്‍വിയ്ക്ക് പ്രധാന കാരണം. ആക്രമണത്തില്‍ മാത്രം ശ്രദ്ധിച്ചപ്പോള്‍ പ്രതിരോധത്തില്‍ മഞ്ഞപ്പട ഗുരുതരമായ വീഴ്ചവരുത്തി. ഈ തോല്‍വിയോടെ രണ്ട് മത്സരങ്ങളില്‍ നിന്ന് മൂന്ന് പോയന്റുമായി ബ്ലാസ്റ്റേഴ്സ് പോയന്റ് പട്ടികയില്‍ ഏഴാം സ്ഥാനത്തേക്ക് വീണു. മോഹന്‍ ബഗാന്‍ മൂന്ന് പോയന്റുമായി അഞ്ചാമതാണ്.
