അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഡല്‍ഹി: ഇന്ത്യ-സൗത്ത് ആഫ്രിക്ക ഏകദിന പരമ്പരയിലെ വിജയികളെ ഇന്നറിയാം. ഡല്‍ഹിയിലാണ് പരമ്പരയിലെ അവസാന മത്സരം നടക്കുക . ആദ്യ മത്സരത്തില്‍ സൗത്ത് ആഫ്രിക്ക ജയം പിടിച്ചപ്പോള്‍ രണ്ടാം ഏകദിനത്തില്‍ ശ്രേയസിന്റെ സെഞ്ചുറി ബലത്തില്‍ ജയം നേടിയാണ് ഇന്ത്യ തിരിച്ചടിച്ചത്.
ഇഷാന്‍ കിഷനും ശ്രേയസും സഞ്ജുവും ഫോമില്‍ നില്‍ക്കുന്നതാണ് മൂന്നാം ഏകദിനത്തിന് ഇറങ്ങും. ഓപ്പണിങ്ങില്‍ ആദ്യ രണ്ട് ഏകദിനങ്ങളിലും ഓപ്പണര്‍മാര്‍ നിരാശപ്പെടുത്തി. ധവാനും ഗില്ലിനും സ്‌കോര്‍ ഉയര്‍ത്താന്‍ കഴിഞ്ഞിട്ടില്ല. എങ്കിലും അവസാന ഏകദിനത്തിലും ധവാനൊപ്പം ഗില്‍ തന്നെ ഓപ്പണിങ്ങില്‍ ഇറങ്ങാനാണ് സാധ്യത.
ഋതുരാജ് ഗയ്ക് വാദിന് വീണ്ടും അവസരം നല്‍കുമോ എന്ന ചോദ്യവും ഉയരുന്നുണ്ട്. ഗില്ലിനെ മാറ്റി പകരം ഋതുരാജിനെ ഓപ്പണിങ്ങില്‍ ഇറക്കുവാനും സാധ്യത ഉണ്ട്. എന്നാല്‍ പരമ്പര വിജയിയെ നിര്‍ണയിക്കുന്ന മത്സരം ആയതിനാല്‍ രണ്ടാം ഏകദിനം കളിച്ച ഇലവനെ തന്നെ ഇന്ത്യന്‍ നിലനിര്‍ത്താനാണ് സാധ്യത കൂടുതല്‍.
