അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിലമ്പൂരിൽ 14 കിലോ കഞ്ചാവുമായി യുവാവ് പിടിയിൽ. എടക്കര കാക്കപ്പരത തെക്കരത്തൊടി മുഹമ്മദ് സ്വാലിഹ് ആണ് വലയിലായത്. കഴിഞ്ഞ ദിവസം പുലർച്ചെ നിലമ്പൂർ കോടതിപ്പടി ബസ് സ്റ്റോപ്പിന് സമീപത്ത് നിന്നാണ് ഇയാളെ പിടികൂടിയത്. ഇയാളുടെ രണ്ട് ബാഗുകളിൽ നിന്ന് എട്ട് പാക്കറ്റുകളിലായി സൂക്ഷിച്ച 14 കിലോ കഞ്ചാവ് കണ്ടെടുത്തു.
കഴിഞ്ഞ വർഷം പ്രതി കഞ്ചാവുമായി ട്രെയിനിൽ നിലമ്പൂരിലേക്ക് വരും വഴി പാലക്കാട് റെയിൽവേ പൊലീസിന്റെ പിടിയിലായിരുന്നു. ഈ കേസിൽ മാസങ്ങൾക്ക് മുമ്പാണ് പ്രതി ജാമ്യത്തിലിറങ്ങിയത്. അതിന് മുമ്പ് ആന്ധ്രയിലും പ്രതിയും കൂട്ടാളികളും പിടിയിലായി ജയിൽവാസം അനുഭവിച്ചിട്ടുണ്ട്. ആ കേസിലും പ്രതി ജാമ്യത്തിലാണ്.
എടക്കര സ്റ്റേഷൻ പരിധിയിൽ റബ്ബർ ഷീറ്റ് മോഷ്ടിച്ച് വിറ്റ കേസിലും ജയിൽ ശിക്ഷ അനുഭവിച്ചിട്ടുണ്ട്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
