അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ. കൊച്ചി: ഐഎസ്എൽ ഫുട്‌ബോളിന്റെ ഒമ്പതാം പതിപ്പിലെ ഉദ്ഘാടന മത്സരത്തിൽ ഇന്ന് കേരള ബ്ലാസ്റ്റേഴ്‌സും ഈസ്റ്റ് ബംഗാളും തമ്മിൽ മത്സരം. കലൂർ ജവാഹർലാൽ നെഹ്രു അന്താരാഷ്ട്ര സ്‌റ്റേഡിയത്തിൽ രാത്രി ഏഴരയ്ക്കാണ് കിക്കോഫ്.
കഴിഞ്ഞ സീസണിൽ ടീമിലുണ്ടായിരുന്ന 16 പേരെ കേരള ബ്ലാസ്റ്റേഴ്‌സ് നിലനിർത്തി. 12 പേർ പുതിയതാണ്. 14 യുവതാരങ്ങളാണ് ഇത്തവണ ബ്ലാസ്റ്റേഴ്‌സ് നിരയിലുള്ളത്. ജെസെല്‍ കര്‍ണെയ്‌റോ നയിക്കുന്ന 27 അംഗ ടീമില്‍ ഏഴ് മലയാളി താരങ്ങളാണ് ഉള്ളത്. ഇവാന്‍ വുകോമനോവിച്ചിന്റെ പരിശീലനത്തിലാണ് ടീം ഇറങ്ങുന്നത്. കഴിഞ്ഞ തവണ ലീഗിൽ അവസാന സ്ഥാനക്കാരായിരുന്നു ഈസ്റ്റ് ബംഗാൾ.
