അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.വനിതാ ഏഷ്യാ കപ്പ് ക്രിക്കറ്റില്‍ ടൂര്‍ണമെന്റില്‍ ഇന്ത്യയ്ക്ക് തുടക്കത്തിൽ വിജയം. ശ്രീലങ്കയെ 41 റണ്‍സിന് ഇന്ത്യ തോല്‍പ്പിച്ചു. ഇന്ത്യയുടെ 151 റണ്‍സ് വിജയലക്ഷ്യം പിന്തുടര്‍ന്ന ലങ്കന്‍ വനിതകള്‍ 109 റണ്‍സിന് എല്ലാവരും ഔട്ടായി . ഹേമലത അടക്കമുള്ള ബൗളര്‍മാരുടെ മികവിലാണ് ഇന്ത്യയുടെ വിജയം. ഹേമലത 15 റണ്‍സിന് 3 വിക്കറ്റെടുത്തു. ദീപ്തി ശര്‍മ്മ, പൂജാ വസ്ത്രാകര്‍ എന്നിവര്‍ രണ്ടു വിക്കറ്റ് വീതം നേടി. 30 റണ്‍സെടുത്ത ഹാസിന് മധുസികയാണ് ലങ്കയുടെ ടോപ് സ്‌കോറര്‍. ഹര്‍ഷിത മാധവി 26 ഉം, ഒഷാദി രണസിംഗെ 11 ഉം റണ്‍സെടുത്തു. മറ്റാര്‍ക്കും രണ്ടക്കം കാണാനായില്ല.
ആദ്യം ബാറ്റുചെയ്ത ഇന്ത്യന്‍ വനിതകള്‍ ജെമൈമ റോഡ്രിഗസിന്റെ അര്‍ധസെഞ്ച്വറിയുടെ മികവില്‍ ആറു വിക്കറ്റ് നഷ്ടത്തില്‍ 150 റണ്‍സെടുത്തു. ജമൈമ 53 പന്തില്‍ 76 റണ്‍സെടുത്തു. ഹര്‍മന്‍ പ്രീത് കൗര്‍ 33 ഉം, ഹേമലത 13 ഉം, ഷഫാലി 10 ഉം റണ്‍സെടുത്തു.
