അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
സൗത്ത് ആഫ്രിക്കയ്ക്ക് എതിരായ ഏകദിന പരമ്പരയില്‍ സഞ്ജു സാംസണ്‍ ഇന്ത്യയുടെ വൈസ് ക്യാപ്റ്റനായേക്കും. ന്യൂസിലന്‍ഡ് എയ്ക്ക് എതിരായ അനൗദ്യോഗിക ഏകദിന പരമ്പരയില്‍ ഇന്ത്യ എയെ ജയത്തിലേക്ക് എത്തിച്ചതിന് പിന്നാലെയാണ് സഞ്ജുവിന് ഈ പദവി ലഭിക്കുന്നത്.ന്യൂസിലന്‍ഡ് എയ്ക്ക് എതിരായ പരമ്പര 3-0നാണ് സഞ്ജുവിന്റെ കീഴില്‍ ഇന്ത്യ എ ജയിച്ചത്. മൂന്നാം ഏകദിനത്തില്‍ മുന്‍നിരയില്‍ ഇന്ത്യക്ക് തുടരെ വിക്കറ്റ് നഷ്ടമായപ്പോള്‍ അര്‍ധ ശതകവുമായി സഞ്ജു ഇന്ത്യാ എയെ തുണച്ചു.
ക്രീസില്‍ നിലയുറപ്പിച്ച് നിന്ന് കരുതലോടെയാണ് ഇവിടെ സഞ്ജു കളിച്ചത്. രണ്ടാം ഏകദിനത്തില്‍ 35 പന്തില്‍ നിന്ന് സഞ്ജു നേടിയത് 37 റണ്‍സ്. ആദ്യ മത്സരത്തില്‍ 29 റണ്‍സുമായി മറ്റ് അപകടങ്ങളില്ലാതെ ടീമിനെ ജയത്തിലേക്ക് എത്തിക്കാനും സഞ്ജുവിന് കഴിഞ്ഞിരുന്നു.
