അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
റിയാദ്: സൗദി അറേബ്യ കിരീടവകാശി മുഹമ്മദ് ബിൻ സൽമനെ പ്രധാനമന്ത്രിയായി നിയമിച്ചു. സൗദി ഭരണാധികാരി സൽമാൻ രാജാവാണ് മുഹമ്മദ് ബിൻ സൽമാനെ പ്രധാനമന്ത്രിയായി നിയമിച്ചത്. മന്ത്രിസഭ പുനഃസംഘടനയെ തുടർന്നാണ് പ്രധാനമന്ത്രി സ്ഥാനത്തേക്ക് സൗദി കിരീടാവകാശി എത്തിയത്.
പ്രതിരോധ സഹമന്ത്രി ബിൻ സൽമാൻ രാജകുമാരനെ പ്രതിരോധ മന്ത്രിയായും നിയമിച്ചു. പുതിയ വിദ്യാഭ്യാസ മന്ത്രിയായി യൂസഫ് ബിന്ഡ അബ്ദുള്ള അൽ ബെന്യാനെയും ഉപപ്രതിരോധ മന്ത്രിയായി തലാൽ അൽ ഉതൈബിയെയും നിയമിച്ചു. മന്ത്രിസഭയിലെ മറ്റ് മന്ത്രിമാർക്ക് മാറ്റമില്ല. ഭരണാധികാരി സൽമാൻ രാജാവിന്റെ അധ്യക്ഷതയിലായിരിക്കും മന്ത്രിസഭ യോഗങ്ങൾ തുടർന്ന് നടക്കുക.
