അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
സൗത്ത് ആഫ്രിക്കയ്ക്ക് എതിരായ പരമ്പരയിലെ ആദ്യ ട്വന്റി20 മത്സരത്തിനു ഇന്ന് ഗ്രീന്‍ഫീല്‍ഡ് സ്റ്റേഡിയം വേദിയാകും. രാത്രി 7 മണിക്കാണ് മത്സരംഓസ്‌ട്രേലിയക്കെതിരായ ട്വന്റി20 പരമ്പരയില്‍ 1-0ന് പിന്നില്‍ നിന്നതിന് ശേഷം തിരിച്ചു വന്ന് ജയിച്ചതിന്റെ ആത്മവിശ്വാസത്തിലാണ് ഇന്ത്യ.
കാര്യവട്ടത്ത് ചൊവ്വാഴ്ച ഇരു ടീമുകളും പരിശീലനം നടത്തി. ഈ വര്‍ഷം തന്നെ ജൂണില്‍ സൗത്ത് ആഫ്രിക്ക ഇന്ത്യയിലെത്തി ട്വന്റി20 പരമ്പര കളിച്ചിരുന്നു. 2-2ന് സമനിലയിലാണ് പരമ്പര അവസാനിച്ചത്. ട്വന്റി20 ലോകകപ്പിന് മുന്‍പിലുള്ള അവസാന ട്വന്റി20 പരമ്പരയാണ് ഇത് എന്നതിനാല്‍ ടീം കോമ്പിനേഷനുകള്‍ സംബന്ധിച്ച് ഇന്ത്യക്ക് ഇവിടെ വ്യക്തത വരണം. സൗത്ത് ആഫ്രിക്കയ്ക്ക് എതിരായ ട്വന്റി20 പരമ്പരയില്‍ നിന്ന് ഹര്‍ദിക് പാണ്ഡ്യക്കും ഭുവനേശ്വര്‍ കുമാറിനും ഇടവേള നല്‍കിയിട്ടുണ്ട്.
