പാലക്കാടും വയനാടും പോപ്പുലർ ഫ്രണ്ട് കേന്ദ്രങ്ങളിൽ പോലീസ് റെയ്ഡ്

പാ​ല​ക്കാ​ട്: ഹ​ർ​ത്താ​ൽ ദി​ന​ത്തി​ലെ അ​ക്ര​മ​വു​മാ​യി ബ​ന്ധ​പ്പെ​ട്ട് പോ​പ്പു​ല​ർ ഫ്ര​ണ്ട് ഓ​ഫീ​സു​ക​ളി​ൽ പോ​ലീ​സ് റെ​യ്ഡ്. പാ​ല​ക്കാ​ട്, വ​യ​നാ​ട് ജി​ല്ല​ക​ളി​ലെ ഓ​ഫീ​സു​ക​ളി​ലാ​ണ് റെ​യ്ഡ് ന​ട​ക്കു​ന്ന​ത്.

വ​യ​നാ​ട്ടി​ൽ ജി​ല്ലാ ക​മ്മി​റ്റി ഓ​ഫീ​സി​ൽ റെ​യ്ഡ് ന​ട​ന്നു. പാ​ല​ക്കാ​ട്ടെ വി​വി​ധ ഓ​ഫീ​സു​ക​ളി​ൽ പോ​ലീ​സ് പ​രി​ശോ​ധ​ന തു​ട​രു​ക​യാ​ണ്.

കഴിഞ്ഞ വെള്ളിയാഴ്ചയിലെ ഹര്‍ത്താലുമായി ബന്ധപ്പെട്ടാണ് പോലീസ് റെയ്ഡ് നടത്തുന്നതെന്നാണ് സൂചന. എന്നാല്‍ റെയ്ഡില്‍ എന്തെങ്കിലും പിടിച്ചെടുത്തതായോ ആരെയെങ്കിലും കസ്റ്റഡിയിലെടുത്തതായോ വിവരമില്ല.
 
വൈകീട്ട് നാലരയോടെയാണ് മാനന്തവാടി എരുമത്തെരുവിലെ ഓഫീസിൽ പരിശോധന നടന്നത്. ഡിവൈ.എസ്.പി. എ.പി ചന്ദ്രന്റെ നേതൃത്വത്തിലായിരുന്നു റെയ്ഡ്. എന്നാല്‍ സംശയകരമായ ഒന്നും കണ്ടത്താന്‍ കഴിഞ്ഞിട്ടില്ല.

പാലക്കാട് നഗരത്തിന്റെ വിവിധ ഭാഗങ്ങളിലാണ് കേരളാ പൊലീസിന്റെ നേതൃത്വത്തിൽ റെയ്ഡ് നടന്നത്. ശംഖുവാരത്തോട്, കല്‍മണ്ഡപം, ബി.ഒ.സി റോഡ്, ചടനാംകുറിശ്ശി എന്നീ ഭാഗങ്ങളിലാണ് പരിശോധന. ഇവിടുത്തെ ചില പ്രവര്‍ത്തകരുടെ വീടുകളിലാണ് റെയ്ഡ് നടത്തിയത്.

ഇവിടങ്ങളിൽ ഹേമാംബിക നഗര്‍ സിഐയുടെ നേതൃത്വത്തിലായിരുന്നു പരിശോധന. ശ്രീനിവാസന്‍ വധവുമായി ബന്ധപ്പെട്ട പ്രതികളുടെ വീട് ഉള്‍ക്കൊള്ളുന്ന ഭാഗമാണ് ശംഖുവാരത്തോട്.

ഇന്ന് രാജ്യവ്യാപകമായി കേന്ദ്ര ഏജന്‍സികള്‍ നടത്തിയ റെയ്ഡില്‍ 200ലേറെ പി.എഫ്.ഐ നേതാക്കളെ അറസ്റ്റ് ചെയ്തിരുന്നു. സെപ്തംബർ 22ന് കേരളമടക്കം 13 സംസ്ഥാനങ്ങളിൽ നടത്തിയ റെയ്ഡിൽ ദേശീയ ചെയർമാനും സംസ്ഥാന പ്രസിഡന്റും അടക്കം 106 പേരെ അറസ്റ്റ് ചെയ്തിരുന്നു.