അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ടി20 റാങ്കിങില്‍ ഒന്നാം സ്ഥാനത്തേക്ക് ഇന്ത്യ. ഇംഗ്ലണ്ടിനെ രണ്ടാം സ്ഥാനത്തേക്ക് പിന്തള്ളി 268 റേറ്റിങ് പോയിന്റുകള്‍ നേടി ഇന്ത്യ ഒന്നാമതെത്തിയത് .ഇംഗ്ലണ്ടുമായി ഏഴ് പോയിന്റിന്റെ വ്യത്യാസം. 261 പോയിന്റാണ് ഇംഗ്ലണ്ടിന്.
ഇന്ത്യ ഓസ്‌ട്രേലിയയോട് വിജയിച്ചപ്പോള്‍ ഇംഗ്ലണ്ട് നേരിയ വ്യത്യാസത്തില്‍ പാകിസ്ഥാനോട് പരാജയപ്പെട്ടതും റാങ്കിങ് കുതിപ്പില്‍ ഇന്ത്യക്ക് തുണയായി. മൂന്ന് റണ്‍സിന്റെ വിജയമാണ് ഇംഗ്ലണ്ടിനെതിരെ പാകിസ്ഥാന്‍ സ്വന്തമാക്കിയത്. ദക്ഷിണാഫ്രിക്കയാണ് മൂന്നാം റാങ്കില്‍. പാകിസ്ഥാന്‍ നാലാം സ്ഥാനത്തും ന്യൂസിലന്‍ഡ് അഞ്ചിലും ഓസ്‌ട്രേലിയ ആറിലും വെസ്റ്റ് ഇന്‍ഡീസ് ഏഴാം സ്ഥാനത്തും നില്‍ക്കുന്നു. ഓസ്‌ട്രേലിയക്കെതിരായ അവസാന പോരാട്ടത്തില്‍ ആറ് വിക്കറ്റിന്റെ വിജയം നേടിയതിന് പിന്നാലെയാണ് ഇന്ത്യയുടെ റാങ്കിങിലെ മുന്നേറ്റം.
