മീ​ന​ച്ചി​ലാ​റ്റി​ൽ കു​ളി​ക്കാ​നി​റ​ങ്ങി​യ ബി​രു​ദ വി​ദ്യാ​ർ​ഥി മു​ങ്ങി മ​രി​ച്ചു

കോ​ട്ട​യം: പേ​രൂ​രി​ൽ മീ​ന​ച്ചി​ലാ​റ്റി​ൽ കു​ളി​ക്കാ​നി​റ​ങ്ങി​യ ബി​രു​ദ വി​ദ്യാ​ർ​ഥി മു​ങ്ങി മ​രി​ച്ചു. കോ​ട്ട​യം ഗി​രീ​ദീ​പം കോ​ള​ജി​ലെ ഒ​ന്നാം വ​ർ​ഷ ബി​കോം വി​ദ്യാ​ർ​ഥി പ​ത്ത​നം​തി​ട്ട ഇ​ല​ന്തൂ​ർ ചെ​ക്കോ​ട്ടു കൊ​ച്ചു​കാ​ലി​ൽ ആ​ൽ​വി​ൻ സാം ​ഫി​ലി​പ്പ് (18) ആ​ണ് മ​രി​ച്ച​ത്.

 
സുഹൃത്തുക്കളായ ഏഴു പേരാണ് വേണാട്ട് കടവ് ഭാഗത്ത് കുളിക്കാനിറങ്ങിയത്. ഇതിനിടയിൽ ആൽവിൻ കാൽ വഴുതി ആഴത്തിലേക്ക് പോകുകയായിരുന്നു. സുഹൃത്തുക്കളുടെ ബഹളം കേട്ടു നാട്ടുകാർ എത്തിയെങ്കിലും ആൽവിനെ കണ്ടെത്താനായില്ല.

തുടർന്ന് കോട്ടയത്തുനിന്നും അഗ്നിരക്ഷാ സേന എത്തിയാണ് രക്ഷാപ്രവർത്തനം നടത്തിയത്. മൃതദേഹം കോട്ടയം മെഡിക്കൽ കോളജ് ആശുപത്രി മോർച്ചറിയിൽ.