മക്കല്ലത്തിന് പകരക്കാരനെ പ്രഖ്യാപിച്ചു; ചന്ദ്രകാന്ത് പണ്ഡിറ്റ് കൊൽക്കത്തയുടെ പുതിയ കോച്ച്

കോ​ൽ​ക്ക​ത്ത: ഐ​പി​എ​ൽ ടീ​മാ​യ കോ​ൽ​ക്ക​ത്ത നൈ​റ്റ് റൈ​ഡേ​ഴ്സ് പു​തി​യ പ​രി​ശീ​ല​ക​നെ നി​ശ്ച​യി​ച്ചു. മു​ൻ ഇ​ന്ത്യ​ൻ താ​രം ച​ന്ദ്ര​കാ​ന്ത് പ​ണ്ഡി​റ്റാ​വും ടീ​മി​ന്‍റെ മു​ഖ്യ​പ​രി​ശീ​ല​ക​ൻ.  ന്യൂ​സി​ല​ൻ​ഡ് താ​രം ബ്ര​ണ്ട​ൻ മ​ക്ക​ല്ല​ത്തി​ന് പ​ക​ര​ക്കാ​ര​നാ​യാ​ണ് ച​ന്ദ്ര​കാ​ന്ത് എ​ത്തു​ന്ന​ത്. മ​ക്ക​ല്ലം അ​ടു​ത്തി​ടെ ഇം​ഗ്ല​ണ്ട് ടെ​സ്റ്റ് ടീം ​പ​രി​ശീ​ല​ക​ൻ സ്ഥാ​നം ഏ​റ്റെ​ടു​ത്തി​രു​ന്നു.

23 വ​ർ​ഷ​ത്തി​ന് ശേ​ഷം മ​ധ്യ​പ്ര​ദേ​ശി​നെ ര​ഞ്ജി ചാ​മ്പ്യ​ൻ​മാ​രാ​ക്കി​യ അ​ദ്ദേ​ഹം അ​ടു​ത്തി​ടെ വാ​ർ​ത്ത​ക​ളി​ൽ നി​റ​ഞ്ഞി​രു​ന്നു.  വിദര്‍ഭയെ 2018,2019 വര്‍ഷങ്ങളില്‍ രഞ്ജി ട്രോഫി ജേതാക്കളാക്കിയത് പണ്ഡിറ്റിന്റെ തന്ത്രങ്ങളായിരുന്നു. ഇന്ത്യന്‍ പ്രാദേശിക ക്രിക്കറ്റ് വമ്പന്‍മാരായ മുംബൈ ടീമിനേയും അദ്ദേഹം പരിശീലിപ്പിച്ചിട്ടുണ്ട്.

വിക്കറ്റ് കീപ്പര്‍ ബാറ്ററായിരുന്ന പണ്ഡിറ്റ് ഇന്ത്യക്കായി 5 ടെസ്റ്റ് മത്സരങ്ങളിലും 36 ഏകദിനങ്ങളും കളിച്ചിട്ടുണ്ട്. ഡൊമസ്റ്റിക് ക്രിക്കറ്റില്‍ മികച്ച ട്രാക്ക റെക്കോഡുള്ള താരമാണ് പണ്ഡിറ്റ്. 48.00 ബാറ്റിങ് ശരാശരിയില്‍ 8000ല്‍ അധികം റണ്‍സ് നേടിയിട്ടുണ്ട്.

കൊല്‍ക്കത്തയെ പരിശീലിപ്പിക്കാന്‍ ലഭിച്ചിരിക്കുന്നത് മികച്ച അവസരവും അംഗീകാരവുമായി കാണുന്നുവെന്ന് പണ്ഡിറ്റ് പ്രതികരിച്ചു. രണ്ട് തവണ ഐപിഎല്‍ ചാമ്പ്യന്‍മാരായ ടീമാണ് കൊല്‍ക്കത്ത. 2012,2014 വര്‍ഷങ്ങളിലാണ് ടീം കിരീടം നേടിയത്. 2021ല്‍ കൊല്‍ക്കത്ത ഫൈനലിലെത്തിയെങ്കിലും ചെന്നൈയോട് പരാജയപ്പെട്ടിരുന്നു.