അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
സിംഗപ്പൂര്‍: സിംഗപ്പൂര്‍ ഓപ്പണ്‍ ബാഡ്മിന്‍റണ്‍ വനിതാ സിംഗിള്‍സില്‍ ഇന്ത്യയുടെ പി വി സിന്ധു ക്വാര്‍ട്ടറില്‍. ആവേശപ്പോരാട്ടത്തില്‍ ചൈനയുടെ ഹാന്‍ യുവിനെ ഒന്നിനെതിരെ രണ്ട് ഗെയിമുകളില്‍ മറികടന്നാണ് സിന്ധു ക്വാര്‍ട്ടറിലെത്തിയത്.
സ്കോര്‍ 17-21 21-11 21-19.
അതേസമയം, ഇന്ത്യൻ താരങ്ങളായ സൈന നെഹ്വാളും എച്. എസ്. പ്രണോയിയും സെമി കാണാതെ പുറത്ത്. വനിതാ സിംഗിൾസ് ക്വാർട്ടർ ഫൈനലിൽ ജാപ്പനീസ് താരമായ അയാ അഹോരി 21-13, 15-21, 22-20 എന്ന സ്കോറിന് സൈനയെ പരാജയപ്പെടുത്തി. ആദ്യ ഗെയിമിൽ കനത്ത പരാജയം ഏറ്റുവാങ്ങിയ സൈന രണ്ടാം ഗെയിമിന്‍റെ തുടക്കത്തിൽത്തന്നെ ലീഡെടുത്തു. ആറ് പോയിന്റ് വ്യതാസത്തിൽ രണ്ടാം ഗെയിം നേടിയ സൈനയ്ക്ക് മൂന്നാം ഗെയിമിൽ അഹോരിക്ക് മുന്പിൽ പിടിച്ചുനിൽക്കാനായില്ല.
പുരുഷ സിംഗിൾസിൽ ജാപ്പനീസ് താരം കൊഡായ് നരോക്ക 21-12, 14-21, 21-18 എന്ന സ്കോറിനാണ് മലയാളി താരം പ്രണോയിയെ പരാജയപ്പെടുത്തിയത്.
