അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഇന്ത്യ-ഇംഗ്ലണ്ട് ടി20 പരമ്പരയിലെ ആദ്യ മത്സരം ഇന്ന് നടക്കും.സൗത്താംപ്ടണില്‍ ഇന്ത്യന്‍ സമയം രാത്രി 10.30നാണ് മത്സരം. കോവിഡ് മുക്തനായി രോഹിത് ശര്‍മ്മ ടീമില്‍ തിരിച്ചെത്തിയതിന്റെ ആവേശം ഇന്ത്യൻ ടീമിനുണ്ട്. ഈ വര്‍ഷം നടക്കാനിരിക്കുന്ന ടി20 ലോകകപ്പ് നടക്കാനിരിക്കെ ഇംഗ്ലണ്ടിനോട് ഏറ്റുമുട്ടുന്ന ഇന്ത്യ വിജയപ്രതീക്ഷയിലാണ്. ആദ്യ മത്സരത്തില്‍ വിരാട് കോഹ്ലി കളിക്കില്ല. അവസാന രണ്ട് മത്സരത്തില്‍ കോഹ്ലി ടീമിലുണ്ടാകും.
ന്യൂസിലന്‍ഡിനെതിരെ നടന്ന ലോക ടെസ്റ്റ് ചാമ്പ്യന്‍ഷിപ്പ് ഫൈനലിലാണ് ഇന്ത്യ അവസാനമായി സൗത്താംപ്ടണില്‍ കളിച്ചത്. അന്നത്തെ മത്സരത്തില്‍ ഇന്ത്യ പരാജയപ്പെട്ടിരുന്നു . അഹമ്മദാബാദില്‍ നടന്ന 5 മത്സരങ്ങളടങ്ങിയ ടി20 പരമ്പരയിലാണ് ഇന്ത്യയും ഇംഗ്ലണ്ടും അവസാനമായി ഏറ്റുമുട്ടിയത്. പരമ്പര 3-2ന് ഇന്ത്യ നേടിയിരുന്നു.
