അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അര്‍ജന്റീനയുടെ സൂപ്പര്‍താരം എയ്ഞ്ചല്‍ ഡി മരിയ വരും സീസണില്‍ ഇറ്റാലിയന്‍ വമ്പന്മാരായ യുവന്റസിന് വേണ്ടി കളിക്കും. ഫ്രഞ്ച് വമ്പന്മാരായ പി.എസ്ജിയില്‍ നിന്നാണ് താരം യുവന്റസിലെത്തുന്നത്. 34 കാരനായ ഈ മുന്നേറ്റതാരം അടുത്ത ആഴ്ച യുവന്റസിനൊപ്പം ചേരുമെന്നാണ് റിപ്പോര്‍ട്ടുകള്‍. പി.എസ്.ജിയ്‌ക്കൊപ്പം ഏഴ് സീസണുകളില്‍ കളിച്ച ശേഷമാണ് ഡി മരിയ ക്ലബ്ബ് വിടുന്നത്. ടീമിനായി 295 മത്സരങ്ങളില്‍ ബൂട്ടുകെട്ടിയ താരം 92 ഗോളുകളും സ്വന്തമാക്കി.
മാഞ്ചെസ്റ്റര്‍ യുണൈറ്റഡ്, റയല്‍ മഡ്രിഡ് തുടങ്ങിയ വമ്പന്‍ ക്ലബ്ബുകള്‍ക്ക് വേണ്ടിയും ഡി മരിയ പന്ത് തട്ടിയിട്ടുണ്ട്. കഴിഞ്ഞ സീസണില്‍ വേണ്ടത്ര മികച്ച പ്രകടനം പുറത്തെടുക്കാന്‍ യുവന്റസിന് സാധിച്ചിരുന്നില്ല. കഴിഞ്ഞ സീസണില്‍ ഇറ്റാലിയന്‍ സീരി എയില്‍ നാലാം സ്ഥാനത്ത് മാത്രമാണ് ടീമിനെത്താനായത്. വരും സീസണില്‍ മികച്ച പ്രകടനം പുറത്തെടുക്കാനാണ് യുവന്റിസ് ഒരുങ്ങുന്നത്. അതിലാണ് മരിയയെ യുവന്റസ് ടീമിലെത്തിച്ചിരിക്കുന്നത്. നേരത്തെ പോള്‍ പോഗ്ബയേയും യുവന്റസ് ടീമിലെത്തിച്ചിരുന്നു.
