അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ക്വാലാലംപൂര്‍: മലേഷ്യ ഓപ്പൺ ബാഡ്മിന്‍റണിൽ ഇന്ത്യയുടെ സൈന നെഹ്‍വാൾ ആദ്യ റൗണ്ടിൽ തോറ്റ് പുറത്തായി. അമേരിക്കൻ താരം ഐറിസ് വാംഗ് ആണ് സൈനയെ തോൽപിച്ചത്.
സ്കോര്‍ 21-11, 21-17.
അതേസമയം, പി വി സിന്ധുവിന് വിജയത്തുടക്കം. സിന്ധു ആദ്യ റൗണ്ടിൽ തായ്‌ലൻഡ് താരം പോൺപാവീ ചോചുവോംഗിനെ തോൽപിച്ചു. നേരിട്ടുള്ള ഗെയിമുകൾക്കായിരുന്നു സിന്ധുവിന്‍റെ ജയം. സ്കോർ 21-13, 21-17. സിന്ധു നാളെ രണ്ടാം റൗണ്ടിൽ തായ്‌ലൻഡ് താരം ഫിറ്റായപോൺ ചായ്‌വാനെ നേരിടും.
പുരുഷൻമാരിൽ പി കശ്യപും രണ്ടാം റൗണ്ടിലേക്ക് മുന്നേറി. നേരിട്ടുള്ള ഗെയിമുകൾക്ക് തെക്കൻ കൊറിയയുടെ ഹിയോ ക്വാംഗ് ഹീയെ ആണ് കശ്യപ് തോൽപിച്ചത്. സ്കോർ 21-12, 21-17.
ഡബിള്‍സില്‍ ഇന്ത്യയുടെ ബി സുമീത് റെഡ്ഡി-അശ്വിനി പൊന്നപ്പ സഖ്യവും ആദ്യ റൗണ്ടില്‍ തോറ്റ് പുറത്തായി. നെതര്‍ലന്‍ഡ്സിന്‍റെ റോബിന്‍ ടബെലിങ്-സലേന പീക് സഖ്യത്തോട് ഒന്നിനെതിരെ രണ്ട് ഗെയിമുകള്‍ക്കായിരുന്നു ഇന്ത്യന്‍ സഖ്യത്തിന്‍റെ തോല്‍വി. സ്കോര്‍ 15-21, 21-19 17-21.
