അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ദുബൈ: ദുബൈ അന്താരാഷ്‍ട്ര വിമാനത്താവളം വഴി കടത്താന്‍ ശ്രമിച്ച ആറ് കിലോഗ്രാം കഞ്ചാവുമായി പ്രവാസി പിടിയിലായി. വിമാനത്താവളത്തില്‍ പരിശോധന നടത്തവെ കസ്റ്റംസ് ഉദ്യോഗസ്ഥരാണ് ആഫ്രിക്കന്‍ പൗരനെ അറസ്റ്റ് ചെയ്‍തത്.
പീനട്ട് ബട്ടറിനുള്ളില്‍ ഒളിപ്പിച്ച നിലയിലായിരുന്നു കഞ്ചാവ്. ആറ് പാക്കറ്റ് പീനട്ട് ബട്ടറാണ് ഉണ്ടായിരുന്നത്. ആകെ 5.95 കിലോഗ്രാം കഞ്ചാവ് ഇയാളുടെ ബാഗേജില്‍ നിന്ന് കണ്ടെടുത്തുവെന്ന് ദുബൈ കസ്റ്റംസ് പാസഞ്ചര്‍ ഓപ്പറേഷന്‍സ് വിഭാഗം ഡയറക്ടര്‍ ഇബ്രാഹിം അല്‍ കമാലി പറഞ്ഞു.
