അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി -: രാജ്യത്തുടനീളം 75,000 ഡെലിവറി പാർട്നർമാരെ നിയമിക്കാനൊരുങ്ങി മുൻനിര ഹൈപ്പർലോക്കൽ, ക്രൗഡ് സോഴ്‌സ്ഡ് ലോജിസ്റ്റിക് പ്ലാറ്റ്‌ഫോമായ ഷാഡോഫാക്‌സ്. ജൂലൈ അവസാനത്തോടെ നിയമനങ്ങൾ പൂർത്തിയാക്കും. തമിഴ്‌നാട്ടിൽ 5,000 ഡെലിവറി പാർട്നർ തസ്തികകൾ സൃഷ്ടിച്ചതിന് തൊട്ടു പിന്നാലെയാണ് പുതിയ പ്രഖ്യാപനം. ഗിഗ് സമ്പദ് വ്യവസ്ഥ കുതിച്ചുയരുന്നതിന് അനുസരിച്ച് ഡെലിവറി ശൃംഖല വിപുലീകരിക്കാനും കൂടുതൽ തൊഴിൽ അവസരങ്ങൾ സൃഷ്ടിക്കാനുമാണ് ഷാഡോഫാക്സിന്റെ തീരുമാനം.
നിരവധി ആനുകൂല്യങ്ങളാണ് ഡെലിവറി റൈഡർ പാർട്നേഴ്സിനായി കമ്പനി ആവിഷ്കരിച്ചിരിക്കുന്നത്. ഇതുവഴി റൈഡർമാരുമായുള്ള ബന്ധം ദൃഢമാക്കാനാകുമെന്ന പ്രതീക്ഷയിലാണ് ഷാഡോഫാക്‌സ്. റൈഡർമാർക്ക് പ്രതിമാസം 35,000 രൂപ വരെ നേടാനാകും. കൂടാതെ 7.5 ലക്ഷം രൂപയുടെ സൗജന്യ ആരോഗ്യ ഇൻഷുറൻസും ലഭ്യമാക്കുന്നുണ്ട്. അപകട പരിരക്ഷ കൂടി ഉൾക്കൊള്ളുന്ന ഇൻഷുറൻസ് പാക്കേജാണിത്. ഫ്ലെക്‌സിബിൾ ജോലി സമയം ഉൾപ്പടയെയുള്ള റൈഡർ ബെനിഫിറ്റ് പ്രോഗ്രാമുകളും വിഭാവനം ചെയ്തിട്ടുണ്ട്. നിശ്ചിത വരുമാനം ഡെലിവറി പാർട്നർമാർക്ക് ഉറപ്പാക്കുകയും ചെയ്യുന്നു. പ്രായം, ലിംഗം, വംശം തുടങ്ങിയ യാതൊരു വേ‍ർതിരിവും ഇല്ലാതെ എല്ലാവർക്കും തുല്യമായ അവസരമാകും ഷാഡോഫാക്‌സിലുണ്ടാവുക. ജോലിക്ക് യോഗ്യരായവ‍ർക്കെല്ലാം കമ്പനി നിയമം ഉറപ്പ് നൽകുന്നു.
ദീർഘദൂര യാത്ര ചെയ്യാൻ കഴിയാത്തവർക്കും, സാമ്പത്തിക സ്വതന്ത്ര്യം ആഗ്രഹിക്കുന്നവർക്കും ഡെലിവറി പാർട്നർ പ്രോഗ്രാം ഏറെ സഹായകമാകുമെന്നാണ് കമ്പനിയുടെ വിലയിരുത്തൽ.റൈഡർമാർക്ക് അവരുടെ ബൈക്കുകളിലോ സൈക്കിളിലോ ഡെലിവറി നടത്താം. സ്വന്തമായി വാഹനം ഇല്ലാത്തവർക്കായി, കമ്പനി ഇലക്ട്രിക് വാഹനങ്ങൾ വാടകയ്ക്ക് നൽകും. തിരഞ്ഞെടുത്ത നഗരങ്ങളിലാണ് ഈ സൗകര്യമുണ്ടാവുക. താൽപ്പര്യമുള്ള ഉദ്യോഗാർത്ഥികൾ ഷാഡോഫാക്‌സ് ആപ്പ് ഡൗൺലോഡ് ചെയ്ത്, വെരിഫിക്കേഷനായി പാൻ, ആധാർ കാർഡുകൾ അപ്‌ലോഡ് ചെയ്യണം. നടപടിക്രമങ്ങൾ പൂർത്തിയായാൽ, മണിക്കൂറിനുള്ളിൽ ജോലിയിൽ പ്രവേശിക്കാം.
കുറച്ച് വർഷങ്ങളായി ഇന്ത്യയിൽ ഗിഗ് സമ്പദ്‌വ്യവസ്ഥ വള‍ർച്ചയുടെ പാതയിലാണെന്നും, ഇത് രാജ്യത്തെ യുവാക്കൾക്ക് ഏറ്റവും ഇഷ്ടപ്പെട്ട തൊഴിൽ അവസരമായി മാറിയെന്നും ഷാഡോഫോക്സ് വക്താവ് അറിയിച്ചു. ഈ ജോലിയിൽ മാന്യമായ വരുമാനം ഉറപ്പായും ലഭിക്കുന്നു എന്നതും യുവാക്കളെ ആകർഷിക്കുന്നതിന് കാരണമാണ്. രാജ്യത്തുടനീളം കൂടുതൽ തൊഴിലവസരങ്ങൾ സൃഷ്ടിക്കുകയാണ് ഷാഡോഫാക്സിന്റെ ലക്ഷ്യം. നിലവിൽ ഒരു ലക്ഷത്തി ഇരുപതിനായിരത്തിലധികം ഡെലിവറി പങ്കാളികളുള്ള കമ്പനിയുമായി കൂടുതൽ പേർ സഹകരിക്കാൻ എത്തുന്നത് ഇരട്ടി ഊ‍ർജ്ജം നൽകും. ഷാഡോഫോക്സ് റൈഡർ കമ്മ്യൂണിറ്റിയുടെ ഭാഗമാകാൻ താൽപ്പര്യമുള്ള ഏവരേയും സ്വാഗതം ചെയ്യുന്നതായും വക്താവ് അറിയിച്ചു.
ഷാഡോഫാക്‌സ് ഡെലിവറി പങ്കാളിയാകാൻ താൽപര്യമുള്ളവർക്ക് +91 6366528574 എന്ന നമ്പറിലേക്ക് മിസ്‌ഡ് കോൾ നൽകാം.
