അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഇന്ത്യൻ ഓൾറൗണ്ടർ ആർ അശ്വിനു കൊവിഡ് സ്ഥിരീകരിച്ചു. ഇതോടെ, ജൂലായ് 1 മുതൽ അഞ്ച് വരെ ഇംഗ്ലണ്ടിനെതിരായ ടെസ്റ്റ് മത്സരത്തിൽ അശ്വിൻ ഉണ്ടാകില്ല. എഡ്ജ്ബാസ്റ്റണിലാണ് മാറ്റിവച്ച ടെസ്റ്റ് നടക്കുക. ഈ മാസം 16ന് ടെസ്റ്റ് ടീം ഇംഗ്ലണ്ടിലേക്ക് തിരിച്ചിരുന്നു. ക്വാറൻ്റീനിലായതിനാൽ അശ്വിൻ ടീമിനൊപ്പം യാത്ര ചെയ്തിരുന്നില്ല.
“കൊവിഡ് പോസിറ്റീവായതിനാൽ അശ്വിൻ ഇന്ത്യൻ ടീമിനൊപ്പം ഇംഗ്ലണ്ടിലേക്ക് പുറപ്പെട്ടില്ല. പക്ഷേ, ജൂലായ് ഒന്നിനു മുൻപ് അശ്വിന് നെഗറ്റീവാകുമെന്ന് പ്രതീക്ഷിക്കുന്നു. എന്തായാലും അദ്ദേഹത്തിന് ലെസ്റ്റർഷെയറിനെതിരായ പ്രാക്ടീസ് മത്സരം നഷ്ടമാവും.”-എന്ന് ബിസിസിഐ വ്യക്തമാക്കുന്നത്.
ടീം അംഗങ്ങളെല്ലാം നിലവിൽ ലെസ്റ്ററിലുണ്ട്. ദക്ഷിണാഫ്രിക്കക്കെതിരായ ടി-20 പരമ്പരയ്ക്ക് ശേഷം പരിശീലകൻ രാഹുൽ ദ്രാവിഡും ഋഷഭ് പന്തും ശ്രേയാസ് അയ്യരും ലണ്ടനിൽ എത്തിയിട്ടുണ്ട്. ഇന്ന് ഇവർ ലെസ്റ്ററിലെത്തും.അയർലൻഡിനെതിരായ ടി-20 പരമ്പരയ്ക്കുള്ള ടീം ഈ മാസം 23നോ 24നോ ഡബ്ലിനിലേക്ക് തിരിക്കും. 26, 28 തീയതികളിലായാണ് ടെസ്റ്റ് മത്സരങ്ങൾ നടക്കുക.
