അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ഐസിസി ടി20 റാങ്കിംഗില്‍ ഇന്ത്യന്‍ ഓപ്പണ്‍ ഇഷാന്‍ കിഷന് നേട്ടം. ഇഷാന്‍ കിഷന്ആദ്യ പത്തിലെത്തി. ടെസ്റ്റ് റാങ്കിംഗില്‍ ജോ റൂട്ട് ഒന്നാം സ്ഥാനത്ത് തിരിച്ചെത്തി.ടെസ്റ്റ് ക്രിക്കറ്റില്‍ ഏറ്റവും കൂടുതല്‍ റണ്‍സെന്ന സച്ചിന്റ ടെന്‍ഡുല്‍ക്കറുടെ റെക്കോര്‍ഡ് തകര്‍ക്കാന്‍ സാധ്യതയുള്ള താരമാണ് റൂട്ട്. കഴിഞ്ഞ ദിവസം അദ്ദേഹം 27-ാം ടെസ്റ്റ് സെഞ്ചുറി പൂര്‍ത്തിയാക്കിയിരുന്നു.
അലിസ്റ്റര്‍ കുക്കിന് ശേഷം 10000 ടെസ്റ്റ് റണ്‍സ് നേടുന്ന ഇംഗ്ലീഷ് താരമെന്ന നേട്ടവും റൂട്ട് സ്വന്തമാക്കി.
897 പോയിന്റാണ് റൂട്ടിനുള്ളത്. ഓസ്‌ട്രേലിയയുടെ മാര്‍നസ് ലബുഷെയന്‍ രണ്ടാം സ്ഥാനത്തേക്കിറങ്ങി. മറ്റു സ്ഥാനങ്ങളില്‍ മാറ്റമില്ലാതെ തുടരുന്നു.
ബൗളര്‍മാരില്‍ പാറ്റ് കമ്മിന്‍സ് ഒന്നാമത് തുടരുന്നു. ആര്‍ അശ്വിന്‍, ജസ്പ്രിത് ബുമ്ര എന്നിവര്‍ രണ്ടും മൂന്നും സ്ഥാനങ്ങളിലുണ്ട്. ഓള്‍റൗണ്ടര്‍മാരുടെ പട്ടികയില്‍ രവീന്ദ്ര ജഡേജയാണ് ഒന്നാമത്. അശ്വിന്‍ രണ്ടാം സ്ഥാനത്തും.
ദക്ഷിണാഫ്രിക്കയ്‌ക്കെതിരെ മൂന്ന് ടി20 മത്സരങ്ങളില്‍ 164 റണ്‍സാണ് കിഷന് നേടിയിരുന്നത് . ഇത് രണ്ട് അര്‍ധ സെഞ്ചുറികളും ഉള്‍പ്പെടും. നിലവില്‍ ഏഴാം സ്ഥാനത്താണ് കിഷന്. ആദ്യ പത്തിലുള്ള ഏക ഇന്ത്യന്‍ താരവും കിഷനാണ്.
