അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ന്യൂഡല്ഹി: പഞ്ചാബി ഗായകനും കോണ്ഗ്രസ് നേതാവുമായ സിദ്ദു മൂസെവാലയുടെ കൊലപാതകത്തില് ആറ് പ്രതികളെ തിരിച്ചറിഞ്ഞതായി പൊലീസ്. രണ്ട് പ്രതികൾ നടത്തിയ പണമിടപാടുകൾ സംബന്ധിച്ച് വിവരം ലഭിച്ചതായി ഡൽഹി പൊലീസ് അറിയിച്ചു. കൊലപാതകം ആസൂത്രണം ചെയ്തയാളെ തിരിച്ചറിഞ്ഞതായും ഡൽഹി സ്പെഷ്യൽ സി പി എച്ച് വ്യക്തമാക്കി.
പഞ്ചാബ് പൊലീസ് സുരക്ഷ പിന്വലിച്ചതിന് പിന്നാലെയാണ് മൂസൈവാല കൊല്ലപ്പെട്ടത്. സുഹൃത്തുക്കള്ക്കൊപ്പം കാറില് സഞ്ചരിക്കുമ്പോള് വെടിയേറ്ല്ക്കുകയായിരുന്നു. മൂസൈവാലയുടെ ശരീരത്തില് നിന്ന് 24 വെടിയുണ്ടകള് കണ്ടെടുത്തു. നെഞ്ചിലും വയറിലുമാണ് കൂടുതലായും വെടിയേറ്റത്.
ഇതിനിടെ പഞ്ചാബി ഗായകനും കോണ്ഗ്രസ് നേതാവുമായ സിദ്ദു മൂസെവാലയുടെ കൊലപാതകത്തില് സിബിഐ അന്വേഷണമാവശ്യപ്പെട്ട് സുപ്രിംകോടതിയില് ഹര്ജി നൽകിയിരുന്നു. പഞ്ചാബിലെ ബിജെപി നേതാവ് ജഗ്ജിത് സിംഗാണ് ഹര്ജി സമര്പ്പിച്ചത്.
