അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഖത്തര്‍ ലോകകപ്പിന് മുന്നോടിയായി നടന്ന സൗഹൃദ മത്സരത്തില്‍ എസ്‌റ്റോണിയയ്‌ക്കെതിരെ അര്‍ജന്റീനയ്ക്ക് എതിരില്ലാത്ത 5 ഗോളുകള്‍ക്ക് വിജയം . ക്യാപ്റ്റൻ ലയണല്‍ മെസിയായിരുന്നു. അഞ്ച് ഗോളുകളും നേടിയത്.കരിയറിലെ 56-ാം ഹാട്രിക്കാണ് എസ്റ്റോണിയ്‌ക്കെതിരെ മെസി നേടിയത്. 5 ഗോളുകള്‍ നേടിയതോടെ ഫുട്‌ബോളില്‍ അപൂര്‍വ നേട്ടവും മെസി സ്വന്തമാക്കി. 7, 45, 47, 71, 76 മിനിട്ടുകളിലായിരുന്നു മെസിയുടെ ഗോളുകള്‍.
ക്ലബിലും അന്താരാഷ്ട്ര ഫുട്‌ബോളിലും ഒരു കളിയില്‍ 5 ഗോളുകള്‍ നേടുന്ന ആദ്യ താരമെന്ന റെക്കോര്‍ഡാണ് മെസി നേടിയത്. മുമ്പ്, 2012ല്‍ നടന്ന യുവേഫ ചാമ്പ്യന്‍സ് ലീഗ് മത്സരത്തില്‍ ബയര്‍ ലെവര്‍ക്യൂസിനെതിരെ മെസി 5 ഗോളുകള്‍ നേടിയിരുന്നു. അന്താരാഷ്ട്ര ഫുട്‌ബോളില്‍ മെസി നേടിയ ആകെ ഗോളുകളുടെ എണ്ണം 86 ആയി. ഇതോടെ അന്താരാഷ്ട്ര ഫുട്‌ബോളില്‍ ടോപ് സ്‌കോറര്‍മാരുടെ പട്ടികയില്‍ മെസി നാലാം സ്ഥാനത്തെത്തി.
