അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
14 വർഷങ്ങൾക്കു ശേഷം രാജസ്ഥാൻ റോയൽസ് ഐപിഎൽ ഫൈനലിലെത്തിയിരിക്കുകയാണ്.ഈ അവസരത്തിൽ ഐപിഎല്‍ സീസണിന്റെ ആദ്യ ദിനം വന്നൊരു പോസ്റ്റര്‍ പങ്കുവെച്ച് സഞ്ജു സാംസണിന്റെ ഭാര്യ ചാരുലത. ചെന്നൈയുടെ ധോണിയും മുംബൈയുടെ രോഹിത്തും മുന്‍പില്‍ റൈഡ് ചെയ്യുന്ന പോസ്റ്ററില്‍ പിങ്ക് ജഴ്‌സി കാണുന്നില്ല എന്നത് അത്ഭുതപ്പെടുത്തി. ഐപിഎല്‍ സീസണ്‍ ആരംഭിക്കുന്നതിന്റെ ആദ്യ ദിനം വന്ന പോസ്റ്റര്‍ പങ്കുവെച്ച് ചാരുലത ഇന്‍സ്റ്റഗ്രാം സ്റ്റോറിയില്‍ കുറിച്ചു. ഇപ്പോള്‍ ഫൈനലില്‍ എന്നാണ് ചാരുലതയുടെ രണ്ടാമത്തെ ഇന്‍സ്റ്റഗ്രാം സ്റ്റോറി.
കഴിഞ്ഞ സീസണിലാണ് സഞ്ജു റോയൽസിൻ്റെ നായകനായി എത്തുന്നത്. പരുക്കും താരങ്ങളുടെ കൊഴിഞ്ഞുപോക്കും കൊണ്ട് രാജസ്ഥാൻ 14 മത്സരങ്ങളിൽ വെറും അഞ്ചെണ്ണം മാത്രമാണ് വിജയിച്ചത്. പോയിൻ്റ് പട്ടികയിൽ ഏഴാമതായി ടീം ഫിനിഷ് ചെയ്തു. എന്നാൽ, ഈ സീസണിൽ മാനേജ്മെൻ്റ് ടീം പൊളിച്ചെഴുതി. യുവതാരങ്ങളിൽ നിക്ഷേപം നടത്തുന്നതിനൊപ്പം ലേലത്തിൽ തങ്ങൾക്ക് വേണ്ടവരെ കൃത്യമായി ടീമിലെത്തിക്കാൻ അവർക്കു സാധിച്ചു.
ഫൈനലിൽ വിജയിച്ചാലും പരാജയപ്പെട്ടാലും രാജസ്ഥാനെയും സഞ്ജുവിനെയും സംബന്ധിച്ച് ഇത് വിജയമാണ്.
