അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മസ്കത്ത്: തേനൂറുന്ന മധുരങ്ങളുമായി ലുലു ഹൈപർമാർക്കറ്റിൽ ‘കിംഗ്ഡം ഓഫ് മാംഗോസ്’ ഫെസ്റ്റിവലിന് തുടക്കമായി. ഒമാനിലെ എല്ലാ സ്റ്റോറുകളിൽനിന്നും മാമ്പഴ വകഭേദങ്ങൾ ഉപഭോക്താക്കൾക്ക് വാങ്ങാൻ സാധിക്കും. വിവിധ ദേശങ്ങളിലെ മാമ്പഴ രുചി തേടുന്നവരെ ലക്ഷ്യമിട്ട് ജൂൺ രണ്ട് വരെയാണ് ഫെസ്റ്റിവൽ നടത്തുന്നത്. ഫെസ്റ്റിവൽ ബൗശർ ലുലു ഹൈപർമാർക്കറ്റിൽ ഒമാനിലെ ഇന്ത്യൻ അംബാസഡർ അമിത് നാരങ് ഉദ്ഘാടനം ചെയ്തു.
കാർഷിക സമ്പത്ത്, ഫിഷറീസ് മന്ത്രാലയത്തിലെ പ്ലാന്റ് ക്വാറന്റൈൻ വകുപ്പ് ഡയറക്ടർ വലീദ് ഖൽഫാൻ അൽ മഅ്മരി സംബന്ധിച്ചു. ലോകത്തിന്റെ വിവിധ ഭാഗങ്ങളിലുള്ള വ്യത്യസ്ത ഇനം മാമ്പഴങ്ങളാണ് ഫെസ്റ്റിവലിൻറെ ഭാമായി ഷോറൂമുകളിൽ ഒരുക്കിയിട്ടുള്ളത്. ഹോട്ട് ഫുഡ്, ബേക്കറി, സ്വീറ്റ്സ്, ഗ്രോസറി വിഭാഗങ്ങളിലും സവിശേഷ മാമ്പഴ വിഭവങ്ങൾ ലഭിക്കും. മാമ്പഴ അച്ചാർ, ജാം, സ്മൂത്തി, പൾപ്, ജ്യൂസ്, ജെല്ലി, പ്രിസർവ്, അടക്കമുള്ളവ വാങ്ങാം. ഇന്ത്യ, ഇന്തോനേഷ്യ, വിയറ്റ്നാം, തായ്ലൻഡ്, ശ്രീലങ്ക, കെനിയ, യെമൻ അടക്കമുള്ള രാജ്യങ്ങളിൽ നിന്നുള്ള 50ലേറെ ഇനം മാമ്പഴങ്ങൾ ലുലു ഇറക്കുമതി ചെയ്തിട്ടുണ്ട്. പ്രാദേശിക ഒമാനി മാമ്പഴങ്ങളും ലഭിക്കും. പ്രത്യേക ഓഫറുകളും കിഴിവുകളുമുണ്ട്.
